சென்னையில் இன்று தங்கம் விலை மீண்டும் உயர்ந்துள்ளது. இது இரண்டாவது முறையாகும். ஒரு கிராம் ஆபரணத் தங்கத்தின் விலை ரூ.80 அதிகரித்து, ரூ.13,300 ஆக விற்பனையாகிறது. ஒரு சவரன் தங்கத்தின் விலை ரூ.640 உயர்ந்து, ரூ.1,06,400 ஆக உள்ளது.
முன்னதாக காலையிலும் தங்கத்தின் விலை ஒரு கிராமுக்கு ரூ.80 உயர்ந்திருந்தது. இதன் மூலம், இன்றைய மொத்த விலை உயர்வு ஒரு கிராமுக்கு ரூ.160 ஆகவும், ஒரு சவரனுக்கு ரூ.1,280 ஆகவும் பதிவாகியுள்ளது.
கடந்த சில நாட்களாக தங்கம் விலை சற்று குறைந்து காணப்பட்ட நிலையில், இன்று திடீரென அதிகரித்துள்ளது பொதுமக்கள் மத்தியில் அதிர்ச்சியை ஏற்படுத்தியுள்ளது.
இந்த திடீர் விலை உயர்வு நுகர்வோரை பெரிதும் பாதித்துள்ளது. மேலும், தங்கத்தின் எதிர்கால விலை குறித்தும் கேள்விகள் எழுந்துள்ளன.
