உடல் எடையைக் குறைக்க நினைப்பவர்களுக்கு ஒரு சிறந்த உணவு விருப்பமாக முட்டை, கீரை மற்றும் காளான் ஆம்லெட் விளங்குகிறது. முட்டையில் உள்ள புரதச்சத்து, சாப்பிட்ட உடனேயே வயிறு நிறைந்த உணர்வைத் தந்து, அதிகமாக உணவு உண்பதைத் தடுக்கிறது. இதன் மூலம், ஒட்டுமொத்தமாக உட்கொள்ளும் கலோரிகளும் குறைகின்றன.
முட்டையில் கலோரிகள் குறைவாக இருப்பதால், குறைந்த கலோரிகளுடன் கூடிய ஊட்டச்சத்து மிகுந்த உணவுகளைத் தேடுபவர்களுக்கு இது ஒரு சிறந்த தேர்வாகும். மேலும், முட்டையில் வைட்டமின் பி, செலினியம், பாஸ்பரஸ் மற்றும் ஆன்டிஆக்ஸிடன்ட்கள் போன்ற தாதுக்கள் நிறைந்துள்ளன. இவை அனைத்தும் எடை இழப்புக்கு பெரிதும் துணைபுரிகின்றன.
குறிப்பாக, சர்க்கரை வியாதி உள்ளவர்கள் முட்டையைத் தங்கள் உணவில் தவறாமல் சேர்த்துக்கொள்ளும்போது, உடலில் இரத்த சர்க்கரை அளவை சீராக்குவதோடு, இன்சுலின் சுரப்பையும் கட்டுக்குள் வைத்திருக்க உதவுகிறது.
இந்த எடை குறைப்பு ஆம்லெட்டைத் தயாரிக்கத் தேவையான பொருட்கள்: முட்டை – 2, வெங்காயம் – 1, கீரை – ஒரு கைப்பிடி, காளான் – ஒரு கைப்பிடி, மிளகுத்தூள் – கால் ஸ்பூன், சீரகத்தூள் – கால் ஸ்பூன், மஞ்சள் தூள் – கால் ஸ்பூன், மற்றும் தேவையான அளவு உப்பு.
செய்முறை மிகவும் எளிமையானது. ஒரு பாத்திரத்தில் இரண்டு முட்டைகளை உடைத்து ஊற்றி, நன்றாகக் கலக்க வேண்டும். அதனுடன் பொடியாக நறுக்கிய வெங்காயம், கீரை மற்றும் காளானைச் சேர்த்துக்கொள்ள வேண்டும்.
இறுதியாக, தேவையான அளவு உப்பு, மஞ்சள் தூள், மிளகுத்தூள், சீரகத்தூள் ஆகியவற்றைச் சேர்த்து மீண்டும் ஒருமுறை நன்றாகக் கலக்க வேண்டும். இந்தக் கலவையை தோசைக்கல்லில் ஊற்றி, வழக்கமான ஆம்லெட் போலச் செய்து சூடாகப் பரிமாறலாம். ஆரோக்கியமான இந்த ஆம்லெட், எடை குறைப்புக்கு ஒரு சிறந்த துணையாக அமையும்.
