நமது மூளையின் ஆரோக்கியத்திற்கு தூக்கம் எவ்வளவு அவசியம் என்பது பலருக்கும் தெரிந்திருக்க வாய்ப்பில்லை. பொதுவாக, ஒரு மனிதனுக்கு ஒரு நாளைக்கு எட்டு மணி நேர தூக்கம் அவசியமாகிறது. இந்த ஆழ்ந்த உறக்கத்தின் மூலம் மறுநாள் உடல் புத்துணர்ச்சி பெற்று உற்சாகமாக இயங்குகிறது. தூக்கத்தால் நமது மூளைக்கு கிடைக்கும் நன்மைகள் ஏராளம்.
நாள் முழுவதும் அயராது உழைத்த உடல், சில மணி நேரங்கள் தொடர்ந்து ஓய்வெடுக்கும்போது, அதன் உறுப்புகள் அனைத்தும் புத்துணர்ச்சி பெற்று, மறுநாள் தனது பணிகளைச் சிறப்பாகச் செய்யத் தயாராகிறது. எனவே, ஒரு மனிதனுக்கு தினமும் 6 முதல் 8 மணி நேரத் தூக்கம் என்பது உடலுக்கு மிகவும் அவசியமான ஒன்றாகும்.
ஆரோக்கியமான உடலுக்கு மட்டுமல்ல, ஆரோக்கியமான மூளைக்கும் தூக்கம் இன்றியமையாதது. மூளை தன்னைத்தானே புதுப்பித்துக் கொள்ளவும், மறுசீரமைப்பு செய்யவும் தூக்கம் உதவுகிறது. மூளையின் அணுக்களின் ஒரு பகுதியான 'டென்ட்ரைட்' புதிய தகவல்களைச் சேமித்து வைக்கும் முக்கிய இடமாகும்.
ஆராய்ச்சியாளர்கள் 'கட்டிங் எட்ஜ் டெக்னிக்' என்றழைக்கும் ஒரு பரிசோதனை மூலம், இந்த டென்ட்ரைட் பகுதியில் உள்ள தகவல்களைத் தனியாகப் பிரித்து ஆய்வு செய்கின்றனர். இந்த ஆய்வு, ஞாபக சக்தி மற்றும் கற்றல் குறைபாடு உள்ளவர்களுக்கு புதிய தீர்வுகளைக் கண்டறிய உதவும். குறிப்பாக, ஒருங்கு முனைப்புப் பகுதியின் செயல்பாடு தூக்கத்தின் போது சிறப்பாக இருப்பதாக ஆய்வுகள் தெரிவிக்கின்றன. மேலும், ஞாபக சக்தியை அதிகரிக்கத் தேவையான மூளையின் அலைகளுடன் இந்த ஒருங்கு முனைப்புப் பகுதியின் அதிவேக செயல்பாடு இணைந்திருப்பதாகவும் இந்த ஆய்வு சுட்டிக்காட்டுகிறது.
