உங்கள் வீட்டிற்குள்ளேயே எளிதாக செய்யக்கூடிய 8 வடிவ நடைப்பயிற்சி மூலம் பல்வேறு நோய்களை விரட்டலாம். இந்த எளிய பயிற்சி, உடல் நலத்தை மேம்படுத்தி, நோய்களிலிருந்து விடுபட ஒரு சிறந்த வழியாகும்.
இந்த பயிற்சியை செய்ய, உங்கள் வீட்டிற்குள் அல்லது மாடியில் 6 அடிக்கு 12 அடி அல்லது 8 அடிக்கு 16 அடி அளவுள்ள ஒரு செவ்வகப் பகுதியைத் தேர்வு செய்து, அதில் தெற்கு வடக்காக ஒரு 8 வடிவக் கோட்டை வரைந்து கொள்ள வேண்டும். காலை அல்லது மாலை வேளைகளில், வடக்கு நோக்கி நின்று இந்தப் பயிற்சியைத் தொடங்கலாம். ஆண்கள் வலது பக்கமாகவும், பெண்கள் இடது பக்கமாகவும் இந்த 8 வடிவப் பாதையில் நடக்க வேண்டும்.
ஆரம்பித்த இடத்திற்கே திரும்ப வந்த பிறகு, அதே வழியில் தொடர்ந்து 21 நிமிடங்கள் நடக்க வேண்டும். பின்னர், மறுமுனையில் தெற்கு நோக்கி நின்று, கைகளை நன்கு வீசி, மிதமான வேகத்தில் இதேபோல் 21 நிமிடங்கள் நடக்க வேண்டும். ஆக மொத்தம், தினமும் 42 நிமிடங்கள் இந்தப் பயிற்சியைச் செய்வதன் மூலம் எண்ணற்ற நன்மைகளைப் பெறலாம்.
இந்த 8 வடிவ நடைப்பயிற்சியின் மூலம் சர்க்கரை நோயால் ஏற்படும் உள்ளங்கால் எரிச்சல், குதிவாதம், வடகலை நாடி, இடகலை நாடி போன்றவற்றில் புத்துயிர் பெறலாம். மேலும், மூட்டு வலி பிரச்சனைகள் குறையும், தொடைப் பகுதி பலம் பெறும்.
ஆண்மை குறைபாடு, விதைப்பை குறைபாடு, சர்க்கரை நோய் அளவு கட்டுக்குள் வருதல், விந்து அணு குறைபாடு, கல்லீரல் மற்றும் மண்ணீரல் குறைபாடுகள், கர்ப்பப்பை பிரச்சனைகள் போன்றவையும் இந்த பயிற்சியால் நீங்கும். வயிறு சம்பந்தப்பட்ட நோய்கள் குறையும்.
இரத்த அழுத்தம், இதய நோய், ஆஸ்துமா, காசம், உடலில் நீர் கோர்த்தல், உடல் எடை அதிகரிப்பு போன்ற பிரச்சனைகள் படிப்படியாக குறைய ஆரம்பிக்கும். தொண்டை பகுதி பிரச்சனைகள், அடிக்கடி ஏற்படும் கழுத்து பிடிப்பு, முதுகில் ஏற்படும் வாய் பிடிப்பு போன்ற உபாதைகளும் வராமல் தடுக்கலாம்.
நோய் உள்ளவர்களும், நோய் இல்லாதவர்களும் இந்த 8 வடிவ நடைப்பயிற்சியை தாராளமாக செய்யலாம். இது உடல் நலத்தை மேம்படுத்தி, நோய்களைத் தடுக்கவும், குணப்படுத்தவும் உதவும் ஒரு சிறந்த வழியாகும். தினமும் இந்த பயிற்சியை மேற்கொள்வது ஆரோக்கியமான வாழ்விற்கு வழிவகுக்கும்.
இந்த எளிய பயிற்சியை உங்கள் அன்றாட வாழ்வில் இணைத்துக்கொண்டு, நோயற்ற வாழ்வை வாழ MDTV 24×7 வாழ்த்துகிறது.
