உடல் எடையைக் குறைப்பதற்கு பெரிதும் உதவும் கீரைகள் மற்றும் காய்கறிகள் குறித்த தகவல்கள் வெளியாகியுள்ளன. பீன்ஸ், வெங்காயம், சுரைக்காய், குடைமிளகாய், வெள்ளரிக்காய், பசலைக்கீரை, மற்றும் ப்ராக்கோலி போன்றவற்றை உணவில் சேர்த்துக்கொள்வதன் மூலம் உடல் எடையை எளிதாகவும் விரைவாகவும் குறைக்க முடியும்.
பீன்ஸில் உடல் எடையைக் குறைக்க உதவும் விட்டமின்கள் மற்றும் நார்ச்சத்துகள் நிறைந்துள்ளன. மேலும், இதில் ஆன்டிஆக்ஸிடன்ட் பண்புகளும் உள்ளன. எனவே, பீன்ஸை உணவில் சேர்ப்பதன் மூலம் உடல் எடையை விரைவாகக் குறைக்கலாம்.
வெங்காயத்தில் உடலில் தங்கியுள்ள கொழுப்புகளைக் கரைக்கும் சக்தி அதிகமாக உள்ளது. இதனால், உடல் எடையை எளிதில் குறைக்கலாம். இதுமட்டுமின்றி, வெங்காயம் இரத்த அழுத்தத்தைக் குறைக்கவும் உதவுகிறது.
சுரைக்காயில் நீர்ச்சத்து மற்றும் நார்ச்சத்து அதிக அளவில் உள்ளது. இதனை உணவில் சேர்ப்பதன் மூலம் அடிக்கடி பசி ஏற்படுவதைத் தவிர்க்க முடியும். இதன் மூலம், தேவையற்ற உணவு உட்கொள்ளலைக் குறைத்து உடல் எடையைக் கட்டுக்குள் வைக்கலாம்.
குடைமிளகாயில் உள்ள விட்டமின்கள் மற்றும் ஆன்டிஆக்ஸிடன்ட்கள் உடல் எடையைக் குறைப்பதுடன், உடலை ஆரோக்கியமாகவும் வைத்திருக்க உதவுகின்றன. இது உடலுக்குத் தேவையான ஊட்டச்சத்துக்களையும் வழங்குகிறது.
வெள்ளரிக்காயில் நீர்ச்சத்து அதிகமாகவும், கலோரிகள் குறைவாகவும் இருப்பதால், இதனை கோடைகாலங்களில் அதிகம் உட்கொள்வது உடல் எடையைக் கட்டுப்பாட்டுக்குள் வைத்திருக்க மிகவும் பயனுள்ளதாக இருக்கும்.
பசலைக்கீரை உடல் எடையைக் குறைக்கும் உணவுப் பொருட்களில் முக்கியமானது. இதில் மிகக் குறைந்த அளவே கலோரிகள் இருப்பதால், இது உடல் எடையைக் குறைக்க பெரிதும் உதவுகிறது.
ப்ராக்கோலியை வேக வைத்து சாப்பிட்டு வந்தால், உடல் எடையை எளிதாகக் குறைக்க முடியும். இது உடலுக்குத் தேவையான நார்ச்சத்தையும், வைட்டமின்களையும் வழங்குகிறது. இந்த காய்கறிகள் மற்றும் கீரைகளை அன்றாட உணவில் சேர்த்துக்கொள்வது உடல் நலத்திற்கு மிகவும் நல்லது.
