தற்காலத்தில் பல ஆண்கள் கவர்ச்சிகரமான உடலமைப்பைப் பெற மணிக்கணக்கில் ஜிம்மில் பயிற்சி மேற்கொள்கின்றனர். ஆனால், இவ்வாறு நீண்ட நேரம் உடற்பயிற்சி செய்வது சில பக்க விளைவுகளை ஏற்படுத்தக்கூடும் என ஆய்வுகள் தெரிவிக்கின்றன.
குறிப்பாக, கவர்ச்சிகரமான தோற்றத்திற்காக ஜிம்மில் அதிக நேரம் செலவிடுவதும், உடற்கட்டு பெற சில மருந்துகளை உட்கொள்வதும் ஆண்களின் குழந்தை பெற்றுக்கொள்ளும் திறனைப் பாதிக்கலாம். இது ஆண்மையை பாதிப்பதோடு, தம்பதியரிடையே உறவுச் சிக்கல்களையும், கருத்தரிப்பதில் சிரமங்களையும் ஏற்படுத்தும் என தெரியவந்துள்ளது.
'தங்களை கவர்ச்சிகரமானவராக காட்டிக்கொள்ள நினைக்கும் ஆண்கள் அதற்காக எடுத்துக்கொள்ளும் மாத்திரைகள் அவர்களை மலட்டுத்தன்மை உடையவர்களாக ஆக்குகிறது' என்று அமெரிக்க மருத்துவர் ஒருவர் தெரிவித்துள்ளார். உடற்கட்டைப் பெற மருந்துகளை உட்கொண்டு ஹார்மோன்களைத் தூண்டி தசைகளின் வளர்ச்சியை அதிகரிப்பதே இதற்குக் காரணம் என்றும் அவர் குறிப்பிட்டுள்ளார்.
எனவே, ஜிம்மில் மணிக்கணக்கில் பயிற்சி மேற்கொள்வதாலும், அதற்காக மருந்துகளை உட்கொள்வதாலும் ஏற்படும் பாதிப்புகள் குறித்து ஆண்கள் கவனமாக இருக்க வேண்டும். இது குறித்த விழிப்புணர்வு அவசியமாகிறது.
