உடல் எடையைக் குறைக்க பலரும் பல்வேறு முயற்சிகளை மேற்கொண்டு வருகின்றனர். ஆரோக்கியமான முறையில் உடல் எடையை எப்படி குறைப்பது என்பது குறித்து இங்கு காண்போம்.
முதலில், இரவில் சீக்கிரம் உறங்கி அதிகாலையில் எழுவது உடல் நலத்திற்கு நல்லது. தினமும் காலையில் எழுந்தவுடன் வெதுவெதுப்பான நீரை அருந்துவது கொழுப்பை எரித்து உடல் எடையைக் குறைக்க உதவும். மேலும், தண்ணீர், தேன் மற்றும் எலுமிச்சை கலந்த நீர் அல்லது சீரக நீர் போன்றவற்றை அருந்தி நாளைத் தொடங்கலாம்.
நார்ச்சத்து நிறைந்த காலை உணவுகள் உடல் எடை குறைப்புக்கு மிகவும் அவசியம். அவல், உப்மா, முட்டை ஆம்லெட், சீலா, ஜவ்வரிசி உப்புமா, கஞ்சி, ஓட்ஸ், ஸ்டஃப்டு பராத்தா, ஃப்ரூட் சாலட், ஜூஸ் போன்றவற்றை சாப்பிடுவது நல்லது. இவை நாள் முழுவதும் போதுமான ஆற்றலை வழங்கி புத்துணர்ச்சியுடன் இருக்க வைக்கும்.
உடல் எடையைக் குறைக்க கறிவேப்பிலைச் சாறும் ஒரு சிறந்த வழி. வெறும் வயிற்றில் கறிவேப்பிலைச் சாற்றைக் குடித்தால், அதில் உள்ள நார்ச்சத்து நீண்ட நேரம் பசி எடுக்காமல் இருக்கச் செய்யும். இதனால், அதிகமாக சாப்பிடுவதைத் தவிர்த்து, உடல் எடை குறைப்புக்கு வழிவகுக்கும். மேலும், இது உடலில் உள்ள அதிகப்படியான கொழுப்பு மற்றும் நச்சுகளை அகற்றவும் உதவுகிறது.
