அக்ரூட் பருப்புகளை ஊற வைத்து சாப்பிடுவதால் நீரிழிவு நோய் கட்டுக்குள் வரும் என்பது உங்களுக்குத் தெரியுமா? வால்நட் மரத்திலிருந்து கிடைக்கும் இந்த வட்டமான பழங்கள், ஆரோக்கியமான கொழுப்புகள், புரதம் மற்றும் நார்ச்சத்து நிறைந்தவையாகும். இவை இதய மற்றும் எலும்பு ஆரோக்கியத்தை மேம்படுத்துவதோடு, உடல் எடையைக் குறைக்கவும் உதவுகின்றன.
அக்ரூட் பருப்புகளை ஊற வைப்பதன் முக்கிய காரணம், அதன் தோலில் உள்ள 'டானின்கள்' எனப்படும் கலவையை நீக்குவதாகும். இந்த டானின்கள், உடலில் குளுக்கோஸ் மற்றும் இரத்த அழுத்தத்தைக் குறைப்பது போன்ற பல ஆரோக்கிய நன்மைகளைத் தடுக்கக்கூடும். மேலும், பச்சை அக்ரூட் பருப்புகள் அல்லது பிற விதைகளில் உள்ள டானின்கள், ஊட்டச்சத்து எதிர்ப்பு பண்புகளைக் கொண்டுள்ளன. இது இரும்புச்சத்து போன்ற சில ஊட்டச்சத்துக்கள் உடலில் உறிஞ்சப்படுவதையும் தடுக்கிறது.
அக்ரூட் பருப்புகளை ஊற வைக்கும்போது, அதன் தோலில் படிந்திருக்கும் அழுக்கு, தூசி மற்றும் பிற எச்சங்கள் நீக்கப்படுகின்றன. இதனால் பருப்புகள் சுத்தமாகின்றன. மேலும், அக்ரூட் பருப்புகளில் ஆன்டிஆக்ஸிடன்ட்கள், எலாஜிக் அமிலம், ஃபிளாவனாய்டுகள், வைட்டமின் ஈ, மெலடோனின், டோகோபெரோல், செலினியம் மற்றும் அந்தோசயின்கள் போன்ற சத்துக்கள் நிறைந்துள்ளன.
மேற்கூறிய சத்துக்கள் அனைத்தும் நீரிழிவு நோயைக் குறைக்கவும், நீரிழிவு நோயாளிகளின் இரத்த குளுக்கோஸ் அளவை நிர்வகிக்கவும் பெரிதும் உதவுகின்றன. எனவே, அக்ரூட் பருப்புகளை ஊற வைத்து சாப்பிடுவது நீரிழிவு மேலாண்மைக்கு ஒரு சிறந்த வழியாகும்.
