01-07-2026 இன்றைய ராசி பலன்: இன்று குடும்பத்தாருடன் வாக்குவாதங்களில் ஈடுபடுவதைத் தவிர்க்கவும். இதனால் குடும்பத்தினரின் வெறுப்புக்கு ஆளாக நேரிடும்.
மேஷம் ராசிக்காரர்களுக்கு இன்று பூர்வீகச் சொத்து தொடர்பான இழுபறிகள் தொடரும். தொழில் மந்தமான நிலைக்குச் செல்லும். கொடுக்கல்-வாங்கலில் சிக்கலான சூழ்நிலைகள் உருவாகும். மற்றவர்கள் மீது இரக்கம் கொண்டு உதவிகள் செய்வீர்கள். கண்முன்னே அதிகரிக்கும் செலவுகளைச் சமாளிக்க வருமானத்தை ஈட்ட வேண்டியிருக்கும்.
ரிஷபம் ராசிக்காரர்கள் இன்று குடும்பத்தாருடன் வாக்குவாதங்களில் ஈடுபடுவதைத் தவிர்க்க வேண்டும். செல்வாக்கும், அந்தஸ்தும் பாதிக்கப்படலாம். கொடுத்த வாக்கை காப்பாற்ற முடியாமல் போகும். மனதில் விரக்தி மேலோங்கும். தாயாரின் உடல்நலம் பாதிக்கப்படலாம். வாகனங்களால் செலவுகள் ஏற்படக்கூடும்.
மிதுனம் ராசிக்காரர்களுக்கு இன்று தொழில் வியாபாரத்தில் கவனம் செல்லாது. சிலர் சொந்த பந்தங்களை விட்டுப் பிரிய நேரும். சிலருக்கு உறவுகள் பகையாக மாறும். கணவன்-மனைவி உறவு நன்றாக இருக்கும். ஆரோக்கியம் திருப்திகரமாக இருக்கும். அரசு தொடர்பான பணிகளில் சாதகமான பலன்கள் கிடைக்கும்.
கடகம் ராசிக்காரர்கள் இன்று விரோதங்களையும் பிரச்சினைகளையும் சந்திக்க நேரிடலாம். உங்கள் மனோதிடத்தைக் குலைக்கும் அளவிற்கு எதிரிகள் பலமாகத் தலை தூக்குவார்கள். அவர்களால் உங்களுக்கும் உங்கள் உறவினர்களுக்கும் உங்கள் தொழிலுக்கும் சோதனைகள் ஏற்படலாம்.
சிம்மம் ராசிக்காரர்களுக்கு இன்று நற்பலன்கள் நிகழ வாய்ப்புள்ளது. எதிர்ப்படும் கஷ்ட நஷ்டங்களிலிருந்து விடுபட்டு, சாமர்த்தியமாக இழப்புகளைத் தவிர்ப்பீர்கள். மகன், மகளால் பெருமையும் கீர்த்தியும் ஏற்படும். மனம் நிம்மதியடையும். தொழில் வியாபாரத்தில் போட்டியை சந்திக்க வேண்டி இருக்கும்.
கன்னி ராசிக்காரர்களுக்கு இன்று வருமானம் பெருகினாலும் செலவுகளும் கூடும். மன இறுக்கம் நீங்கி புதிய தெம்புடன் செயல்படுவீர்கள். நீண்ட நாள் நோயால் அவதிப்பட்டு மருத்துவமனையில் இருந்தவர்கள் குணமடைந்து வீடு திரும்புவர். குடும்பத்தில் இதுவரை இருந்த மனக் கசப்புகள் மாறும்.
துலாம் ராசிக்காரர்களுக்கு இன்று பகைவர்களின் தொல்லை குறையும். நீதிமன்றத்தில் இருந்த வழக்குகள் முடிவடையும். உங்கள் சொத்துக்கள் மீண்டும் கைக்கு வந்து சேரும். வியாபாரம் சிறந்து வருமானம் பெருகும். பணம் கையில் சரளமாகப் புழங்கும். கூட்டுத் தொழில் பார்ட்னர்கள் இன்முகமாய்ப் பழகுவார்கள்.
விருச்சிகம் ராசிக்காரர்கள் இன்று தங்கள் வசிப்பிடங்களை மாற்ற நேரிடும். அடிக்கடி வீடு மாறுவார்கள். பயணங்களின்போது கவனமாக இருக்க வேண்டியது அவசியம். கைப்பொருள் தொலைந்து போக நேரும். சட்டவிரோதமான காரியங்களில் ஈடுபடாமல் இருப்பது நல்லது, இல்லையென்றால் வம்பு வழக்குகளில் சிக்க நேரும்.
தனுசு ராசிக்காரர்களுக்கு இன்று கணக்கு வழக்குகளை சரியாக வைத்துக்கொள்ளாவிட்டால், அரசாங்கத்தால் தொல்லைகள் வரும். உத்தியோகத்தில் இருப்பவர்கள் மேலதிகாரிகளால் பிரச்சினைகளை சந்திப்பார்கள். யாரிடமும் கையூட்டுப் பெறுவதை தவிர்க்க வேண்டும். வெளிநாட்டுப் பயணம், வெளிநாட்டு வேலை வாய்ப்பு கிடைக்கும்.
மகரம் ராசிக்காரர்களுக்கு இன்று பலவகை யோகம் உண்டாகும். சிலர் யாத்திரை செல்வார்கள். அடுத்தவர்களின் உதவி கிடைக்கும். யாருக்கும் ஜாமீன் கையெழுத்து போட வேண்டாம். மனதில் குழப்பநிலை நீடிக்கும். மறைந்திருக்கும் எதிரிகளால் தொல்லை ஏற்பட்டாலும் பெரிய பாதிப்புகள் ஏற்படாது.
கும்பம் ராசிக்காரர்கள் இன்று கடுமையாக உழைத்தால் மட்டுமே வெற்றிகளை குவிக்க முடியும். கணவன்-மனைவி உறவில் விரிசல் காணும். பணப் பற்றாக்குறையால் குடும்பத்தாரின் தேவைகளைப் பூர்த்திசெய்ய முடியாமல் போகும். இதனால் குடும்பத்தினரின் வெறுப்புக்கு ஆளாக நேரும். ஆரோக்கியமும் பாதிக்கப்படும்.
மீனம் ராசிக்காரர்களுக்கு இன்று உறவுகள் பகையாகும். எதிரிகளின் திட்டம் உங்களை வேதனைக்குள்ளாக்கும். அலுவலக வேலையில் உள்ளவர்களுக்கு மேலதிகாரிகளின் தொல்லை இருக்கும். உங்களிடம் குறை கண்டுபிடித்து தண்டனை தருவார்கள். வேண்டாத இடமாற்றம் வரும். உடன் வேலை செய்பவர்களின் ஒத்துழைப்பும் இல்லாமல் போகும்.
