அமெரிக்காவின் 250வது சுதந்திர தின கொண்டாட்டங்களில், புகழ்பெற்ற ராயல் ஏர் ஃபோர்ஸ் ஏரோபேட்டிக் குழுவான 'ரெட் ஆரோஸ்' பங்கேற்க உள்ளது.
கடந்த ஆண்டு அதிபர் டிரம்ப் இங்கிலாந்துக்கு அரசுமுறை பயணம் மேற்கொண்டபோது வானில் அணிவகுப்பு நடத்திய இந்த குழு, தற்போது அமெரிக்காவின் சுதந்திர தின விழாவில் முக்கிய பங்கு வகிக்க உள்ளது. இங்கிலாந்து மற்றும் அமெரிக்க படைகள் பல தலைமுறைகளாக சிறப்பான ஒத்துழைப்பை வழங்கி வருகின்றன. இரு நாடுகளுக்கிடையேயான பாதுகாப்பு, அசைக்க முடியாத நம்பிக்கை, தொழில்முறை மற்றும் பகிரப்பட்ட நட்பு ஆகியவற்றை மேலும் வலுப்படுத்தும் நோக்கில் இந்த பங்கேற்பு அமைந்துள்ளது.
சுமார் இரு நூற்றாண்டுகளுக்கு முன்னர் துப்பாக்கி முனையில் பிரிட்டிஷ் ஆட்சியை அமெரிக்கா நிராகரித்த நிலையில், தற்போது தனது 250வது சுதந்திர தினத்தை கொண்டாடி வருகிறது. இந்த வரலாற்று சிறப்புமிக்க தருணத்தில், ஜூலை 4 அன்று நியூயார்க் நகரின் வானில் நடைபெறவுள்ள பிரம்மாண்ட சர்வதேச வானூர்தி அணிவகுப்பில் ரெட் ஆரோஸ் குழு பங்கேற்க உள்ளது. ஆயிரக்கணக்கான மக்கள் இந்த கொண்டாட்டத்தில் திரளாகக் கூடுவார்கள் என எதிர்பார்க்கப்படுகிறது.
மேலும், நியூ ஆர்லியன்ஸ் மற்றும் நியூயார்க்கில் நடைபெறும் பிற கொண்டாட்டங்களில் ராயல் நேவி கப்பல்களும் கலந்துகொள்ளவுள்ளன. மன்னர் சார்லஸ் சமீபத்தில் மேற்கொண்ட அரசுமுறை பயணத்தைத் தொடர்ந்து, இந்த வரலாற்று சிறப்புமிக்க கொண்டாட்டத்தில் ரெட் ஆரோஸ் குழுவின் பங்கேற்பு, இரு நாடுகளுக்கிடையேயான உறவின் வலிமையை மேலும் எடுத்துக்காட்டுகிறது.
