ஷரீப் முகமத் தயாரிப்பில், பால் ஜார்ஜ் இயக்கத்தில் ஆண்டனி வர்கீஸ் நடிப்பில் உருவாகியுள்ள 'காட்டாளன்' திரைப்படம் இன்று மலையாளம், தமிழ், தெலுங்கு, கன்னடம், இந்தி மொழிகளில் வெளியாகி உள்ளது. ரஜிஷா விஜயன் கதாநாயகியாக நடித்துள்ள இப்படத்தில், தெலுங்கு நடிகர் சுனில், கபீர் துகான் சிங், ராப்பர் பேபி ஜீன், ராஜ் திரண்டாசு, பார்தத் திவாரி ஆகியோர் முக்கிய கதாபாத்திரங்களில் நடித்துள்ளனர். தாய்லாந்தில் படமாக்கப்பட்ட ஆக்ஷன் காட்சிகளுக்கு, புகழ்பெற்ற 'ஓங்க்-பேக்' படத்தின் ஆக்ஷன் இயக்குநர் கேச்சா காம்பக்டீ மற்றும் அவரது குழுவினர் பணியாற்றியுள்ளனர். 'ஓங்க்-பேக்' படத்தில் நடித்த யானை பொங் இப்படத்திலும் இடம்பெற்றுள்ளது.
'காந்தாரா' படத்திற்கு இசையமைத்த அஜனீஷ் லோக்நாத், 'காட்டாளன்' படத்தின் மூலம் மலையாளத்தில் இசையமைப்பாளராக அறிமுகமாகியுள்ளார். படத்தின் டிரெய்லர் மற்றும் முதல் பாடலின் புரோமோ சமீபத்தில் வெளியாகி ரசிகர்களின் கவனத்தை ஈர்த்தது. தணிக்கை வாரியம் இப்படத்திற்கு 'ஏ' சான்றிதழ் வழங்கியுள்ளது. மொத்தம் 1100 திரைகளில் இப்படம் இன்று வெளியானது.
இந்நிலையில், 'காட்டாளன்' படத்தில் பிரபல இயக்குநர் லோகேஷ் கனகராஜ் ஒரு கேமியோ கதாபாத்திரத்தில் நடித்துள்ளார். லியோ காப்ரல் என்ற கதாபாத்திரத்தில் அவர் தோன்றியுள்ளார். இது தொடர்பான போஸ்டர்களை படக்குழு அதிகாரப்பூர்வமாக வெளியிட்டுள்ளது. இந்த செய்தியை அறிந்த ரசிகர்கள், படத்தின் மீதான எதிர்பார்ப்பு அதிகரித்துள்ளதாக தெரிவித்துள்ளனர்.
லோகேஷ் கனகராஜின் கேமியோ வருகை, படத்தின் விளம்பரத்திற்கு மேலும் வலுசேர்த்துள்ளது. தமிழ் சினிமாவின் முன்னணி இயக்குநர்களில் ஒருவரான லோகேஷ் கனகராஜ், 'காட்டாளன்' படத்தின் மூலம் மலையாள சினிமாவில் ஒரு சிறிய பங்களிப்பை செய்துள்ளார். படத்தின் வெளியீட்டுக்கு முன்பே இந்த தகவல் ரசிகர்களிடையே பெரும் வரவேற்பை பெற்றுள்ளது.
