IPL 2026: வாழ்வா-சாவா போராட்டத்தில் மும்பை இந்தியன்ஸ்.. காயத்தால் தவிக்கும் பாண்டியா – மீண்டெழுமா MI?
- Published by:
Last Updated:May 09, 2026 11:05 PM IST
புள்ளிப்பட்டியலில் முதல் நான்கு இடங்களுக்குள் இருக்கும் ஆர்சிபி அணி, தனது பிளே-ஆஃப் வாய்ப்பை உறுதி செய்யும் முனைப்பில் உள்ளது.
ஐபிஎல் கிரிக்கெட் தொடரில் நாளை ராய்ப்பூரில் நடைபெறவுள்ள முக்கியமான ஐபிஎல் 2026 ஆட்டத்தில் மும்பை இந்தியன்ஸ் (MI) மற்றும் ராயல் சேலஞ்சர்ஸ் பெங்களூரு (RCB) அணிகள் மோதவுள்ளன.இந்த போட்டிக்கு முன்னதாக மும்பை அணியின் கேப்டன் ஹர்திக் பாண்டியா குறித்த முக்கிய காயம் தொடர்பான அப்டேட் வெளியாகியுள்ளது. முதுகு தசைப்பிடிப்பு காரணமாக அவதிப்பட்டு வரும் பாண்டியா, லக்னோ சூப்பர் ஜெயண்ட்ஸ் அணிக்கு எதிரான கடந்த போட்டியில் விளையாடாதது போலவே, பெங்களூரு அணிக்கு எதிரான இந்த வாழ்வா-சாவா போராட்டத்திலும் விளையாடுவது சந்தேகம் என்று தெரிகிறது.அவர் தற்போது மருத்துவக் குழுவின் கண்காணிப்பில் இருப்பதாகவும், அவரின் முன்னேற்றம் குறித்து விரைவில் அறிவிக்கப்படும் என்றும் மும்பை நிர்வாகம் தெரிவித்துள்ளது.இருப்பினும், கடந்த போட்டியில் அணியை வழிநடத்திய நட்சத்திர வீரர் சூர்யகுமார் யாதவ், மீண்டும் அணியில் இணைய உள்ளார். மும்பை அணி பிளே-ஆஃப் வாய்ப்பைத் தக்கவைக்க இந்தப் போட்டியில் வெற்றி பெற்றே தீர வேண்டிய கட்டாயத்தில் உள்ளது.மறுபுறம், புள்ளிப்பட்டியலில் முதல் நான்கு இடங்களுக்குள் இருக்கும் ஆர்சிபி அணி, தனது பிளே-ஆஃப் வாய்ப்பை உறுதி செய்யும் முனைப்பில் உள்ளது. பெங்களூரு அணி தனது சொந்த மைதானத்திற்குப் பதிலாக ராய்ப்பூரின் ஷஹீத் வீர் நாராயண் சிங் மைதானத்தை தனது மீதமுள்ள ‘ஹோம்’ போட்டிகளுக்குப் பயன்படுத்துகிறது.போட்டிக்கு முன்னதாக, ஆர்சிபி கேப்டன் ரஜத் படிதார் தலைமையிலான வீரர்கள் சத்தீஸ்கரின் பாரம்பரிய கலாச்சாரம் மற்றும் பழங்குடியின மக்களின் கலைகளைக் கண்டு மகிழ்ந்தனர். இரு அணிகளுக்கும் இடையிலான இந்த மோதல் மிகுந்த எதிர்பார்ப்பை ஏற்படுத்தியுள்ளது.கூகுள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. சமீபத்திய விளையாட்டு செய்திகள், நேரலை ஸ்கோர் விவரங்கள், போட்டி முடிவுகள் மற்றும் பலவற்றை நியூஸ்18 தமிழில் பெறுங்கள்.Location :Tamil NaduFirst Published :May 09, 2026 9:03 PM IST///IPL 2026: வாழ்வா-சாவா போராட்டத்தில் மும்பை இந்தியன்ஸ்.. காயத்தால் தவிக்கும் பாண்டியா – மீண்டெழுமா MI?
