சென்னையில் தங்கத்தின் விலை கடந்த சில நாட்களாக ஏற்ற இறக்கத்துடன் காணப்பட்டது. இந்நிலையில், வாரத்தின் தொடக்கமான இன்று தங்கத்தின் விலை மீண்டும் உயர்ந்துள்ளது.
நேற்று முன்தினம் ஒரு சவரன் தங்கம் ரூ.400 குறைந்து ரூ.1,17,840 ஆகவும், ஒரு கிராம் ரூ.14,730 ஆகவும் விற்பனை செய்யப்பட்டது. விடுமுறை காரணமாக நேற்றைய விலையில் எந்த மாற்றமும் இல்லை. ஆனால் இன்று, சென்னையில் ஆபரண தங்கத்தின் விலை சவரனுக்கு ரூ.400 அதிகரித்து ரூ.1,18,240 ஆக விற்பனை செய்யப்படுகிறது. ஒரு கிராம் தங்கத்தின் விலை ரூ.50 உயர்ந்து ரூ.14,780 ஆக உள்ளது.
சென்னையில் வெள்ளியின் விலையில் எந்த மாற்றமும் இல்லை. ஒரு கிராம் வெள்ளி ரூ.295க்கும், ஒரு கிலோ வெள்ளி ரூ.2,95,000க்கும் விற்பனை செய்யப்படுகிறது. தங்கத்தின் விலையில் ஏற்பட்டுள்ள இந்த திடீர் உயர்வு நுகர்வோரிடையே சற்று அதிர்ச்சியை ஏற்படுத்தியுள்ளது.
கடந்த 7 நாட்களின் தங்கம் விலை நிலவரப்படி, மே 19 அன்று ஒரு சவரன் ரூ.1,18,960 ஆகவும், மே 21 அன்று ரூ.1,18,480 ஆகவும் இருந்தது. மே 23 மற்றும் 24 தேதிகளில் ஒரு சவரன் ரூ.1,17,840 ஆக குறைந்தது. இன்று மீண்டும் விலை உயர்ந்துள்ளது. இதேபோல், வெள்ளி விலையும் கடந்த வாரத்தில் ஏற்ற இறக்கத்துடன் காணப்பட்டது. மே 19 அன்று ஒரு கிலோ வெள்ளி ரூ.3,00,000 ஆகவும், மே 20 அன்று ரூ.2,85,000 ஆகவும் குறைந்தது. பின்னர் படிப்படியாக உயர்ந்து இன்று ரூ.2,95,000 ஆக உள்ளது.
