சென்னையில் இன்று தங்கத்தின் விலை வரலாறு காணாத வீழ்ச்சியை சந்தித்துள்ளது. காலை நிலவரப்படி ஒரு சவரன் தங்கம் சுமார் ரூ.800 வரை குறைந்த நிலையில், தற்போது ஒரே நாளில் ரூ.2,280 சரிந்து அதிர்ச்சி அலைகளை ஏற்படுத்தியுள்ளது.
முன்னதாக, சென்னையில் காலை நேரத்தில் ஒரு கிராம் தங்கம் ரூ.100 குறைந்து, ஒரு கிராம் ரூ.14,950 என்ற விலையிலும், ஒரு சவரன் ரூ.1,19,600 என்ற விலையிலும் விற்பனை செய்யப்பட்டது. ஆனால், தற்போதைய நிலவரப்படி, ஒரு கிராம் தங்கத்தின் விலை ரூ.185 குறைந்து, ஒரு கிராம் ரூ.14,765 ஆகவும், ஒரு சவரன் ரூ.1,18,120 ஆகவும் விற்பனை செய்யப்படுகிறது.
தங்கம் மட்டுமல்லாது, வெள்ளியின் விலையிலும் இன்று காலை சரிவு காணப்பட்டது. காலை நிலவரப்படி, ஒரு கிராம் வெள்ளி ரூ.10 குறைந்து, ஒரு கிராம் ரூ.305 ஆகவும், ஒரு கிலோ வெள்ளி ரூ.3,05,000 ஆகவும் விற்பனை செய்யப்பட்டது. இருப்பினும், தற்போது வெள்ளி விலையில் எந்த மாற்றமும் இன்றி காலை விலையிலேயே தொடர்கிறது.
இந்த திடீர் விலை வீழ்ச்சி நுகர்வோர் மத்தியில் ஒருபுறம் வரவேற்பை பெற்றாலும், தங்கத்தின் எதிர்கால விலை நகர்வு குறித்து பல கேள்விகளையும் எழுப்பியுள்ளது. முதலீட்டாளர்கள் மத்தியில் இது ஒரு குறிப்பிடத்தக்க மாற்றமாக பார்க்கப்படுகிறது.
