தங்கம் விலை இன்று காலை முதல் அதிரடியாக குறைந்துள்ளது. போர் காலங்களில் முதலீட்டாளர்கள் தங்கத்தின் மீது முதலீடு செய்வதால் அதன் விலை அதிகரிக்கும் என்ற பொதுவான கருத்து நிலவி வந்தது. ஆனால், கடந்த பிப்ரவரி இறுதியில் அமெரிக்கா மற்றும் ஈரான் இடையே ஏற்பட்ட போர் இந்த கருத்தை மாற்றியமைத்தது. இதன் விளைவாக, மார்ச் மாதத்திலிருந்து தங்கம் விலை தொடர்ந்து சரிவை சந்தித்து வருகிறது. இது குறைந்த அளவில் தங்கம் வாங்கும் நகை வாடிக்கையாளர்கள் மத்தியில் பெரும் மகிழ்ச்சியை ஏற்படுத்தியுள்ளது.
கச்சா எண்ணெய் கொள்முதல், டாலரின் மதிப்பு மற்றும் பணவீக்கம் போன்ற பல்வேறு காரணங்களால் தங்கம் விலை தற்போதைக்கு உயர வாய்ப்பில்லை என நிபுணர்கள் கணித்திருந்தனர். ஆனால், அமெரிக்க ஃபெடரல் வங்கியின் வட்டி விகிதம் குறித்த முக்கிய முடிவு உலகளாவிய தங்கம் வர்த்தகத்தில் மிகப்பெரிய தாக்கத்தை ஏற்படுத்தியுள்ளது.
தமிழகத்தில் இன்று ஒரு சவரன் தங்கம் விலை ரூ.600 குறைந்து விற்பனையாகிறது. நேற்று இரண்டு முறை தங்கம் விலை குறைந்து ரூ.1,17,800க்கு விற்கப்பட்டது. இந்நிலையில், இன்று மேலும் ரூ.600 குறைந்து ரூ.1,17,200க்கு விற்பனை செய்யப்படுகிறது.
மேலும், ஒரு கிராம் தங்கம் விலை ரூ.75 குறைக்கப்பட்ட நிலையில், ரூ.14,650க்கு விற்பனை செய்யப்படுகிறது. இது தங்கத்தை வாங்குபவர்களுக்கு ஒரு நல்ல செய்தியாக அமைந்துள்ளது.
தங்கம் மட்டுமின்றி வெள்ளி விலையிலும் சரிவு காணப்படுகிறது. ஒரு கிராம் வெள்ளி விலை ரூ.5 குறைந்து ரூ.260க்கும், ஒரு கிலோ வெள்ளி விலை ரூ.5000 குறைந்து ரூ.2,60,000க்கும் விற்பனை செய்யப்படுகிறது. இந்த விலை வீழ்ச்சி நுகர்வோருக்கு சாதகமாக அமைந்துள்ளது.
