சென்னையில் இன்று (செப்.14) 22 காரட் ஆபரணத் தங்கத்தின் விலை பவுனுக்கு ரூ.360 குறைந்துள்ளது. உலகப் பொருளாதார மற்றும் அரசியல் சூழல்கள், கச்சா எண்ணெய் விலை, இந்திய ரூபாயின் மதிப்பு, தங்க முதலீடுகள், உலகப் பங்குச் சந்தைகளின் செயல்பாடுகள் போன்ற பல்வேறு காரணிகளின் அடிப்படையில் தங்கத்தின் விலை நிர்ணயிக்கப்படுகிறது.
இந்தியாவானது உலக அளவில் தங்கம் இறக்குமதி செய்யும் முன்னணி நாடுகளில் ஒன்றாகத் திகழ்கிறது. அமெரிக்கா மற்றும் ஈரான் இடையேயான மோதல் உலகப் பொருளாதாரத்தில் தாக்கத்தை ஏற்படுத்தி வருவதோடு, சர்வதேச தங்கச் சந்தையிலும் பாதிப்பை உண்டாக்கியுள்ளது. கடந்த மே மாதம், மத்திய அரசு தங்கத்தின் மீதான இறக்குமதி வரியை 6 சதவீதத்திலிருந்து 15 சதவீதமாக உயர்த்தியது. மேலும், கடந்த 1-ம் தேதி அன்று 'தேவையின்றி தங்கம் வாங்காதீர்கள்' என பிரதமர் நரேந்திர மோடி நாட்டு மக்களுக்கு அறிவுறுத்தியிருந்தார். இந்தச் சூழல்களுக்குப் பிறகு, தங்கத்தின் விலை சந்தையில் ஏற்ற இறக்கத்துடன் காணப்படுகிறது.
இதனிடையே, கடந்த சனிக்கிழமை அன்று சென்னையில் தங்கம் விலை பவுனுக்கு ரூ.120 அதிகரித்திருந்தது. இந்த நிலையில், இன்று காலை வர்த்தகம் தொடங்கியதும் 22 காரட் ஆபரணத் தங்கத்தின் விலை கிராமுக்கு ரூ.45 குறைந்து, ஒரு கிராம் ரூ.14,125-க்கு விற்பனையாகிறது. இதன் மூலம், ஒரு பவுன் தங்கம் ரூ.360 குறைந்து, ரூ.1,13,000-க்கு விற்பனை செய்யப்படுகிறது.
சென்னையில் 24 காரட் தங்கத்தின் விலை கிராமுக்கு ரூ.49 குறைந்து, ஒரு கிராம் ரூ.15,409-க்கும், 18 காரட் தங்கத்தின் விலை கிராமுக்கு ரூ.45 குறைந்து, ஒரு கிராம் ரூ.11,895-க்கும் விற்பனை செய்யப்படுகிறது.
வெள்ளி விலையைப் பொறுத்தவரை, இன்று எந்த மாற்றமும் இன்றி சந்தையில் விற்பனை செய்யப்படுகிறது. ஒரு கிராம் வெள்ளி ரூ.250-க்கும், ஒரு கிலோ வெள்ளி ரூ.2,50,000-க்கும் விற்பனையாகிறது.
இதற்கிடையில், விநாயகப் பெருமான் அருளால் அனைத்து நற்செயல்களும் இனிதே நிறைவேற முதல்வர் விஜய் வாழ்த்து தெரிவித்துள்ளார்.
