உலகக் கோப்பை கால்பந்து தொடரில் 4 முறை சாம்பியனான ஜெர்மனியை வீழ்த்தியதன் கொண்டாட்டமாக ஈக்வடார் முழுவதும் ஒரு நாள் பொது விடுமுறை அறிவிக்கப்பட்டுள்ளது. அதிபர் டேனியல் நொபோவா இந்த விடுமுறையை அறிவித்துள்ளார்.
2026 பிஃபா உலகக் கோப்பை கால்பந்து போட்டியில், வலிமைமிக்க ஜெர்மனி அணியை 2-1 என்ற கோல் கணக்கில் ஈக்வடார் வீழ்த்தியது. இந்த வரலாற்றுச் சிறப்புமிக்க வெற்றியை நாடு முழுவதும் கொண்டாடும் விதமாக இந்த தற்காலிக தேசிய விடுமுறை அறிவிக்கப்பட்டுள்ளது.
அமெரிக்கா, மெக்சிகோ, கனடாவில் நடைபெறும் 23-வது பிஃபா உலகக் கோப்பை தொடர் விறுவிறுப்பாக நடைபெற்று வருகிறது. இதில் கோப்பையை வெல்லும் முனைப்பில் அணிகள் தீவிரமாக விளையாடி வருகின்றன.
'இ' பிரிவில் நடைபெற்ற இந்த ஆட்டத்தில், சிறப்பாக விளையாடிய ஈக்வடார் அணி 2-1 என்ற கோல் கணக்கில் ஜெர்மனியை வீழ்த்தி அதிர்ச்சியளித்தது. இதன் மூலம், 2006-ஆம் ஆண்டுக்குப் பிறகு முதல் முறையாக ஈக்வடார் அணி நாக்-அவுட் சுற்றுக்குத் தகுதி பெற்றுள்ளது. இந்த மகத்தான வெற்றியை ஈக்வடார் மக்கள் உற்சாகத்துடன் கொண்டாடி வருகின்றனர்.
