வயிற்றில் அமிலத்தன்மை சுரப்பதால் ஏற்படும் அசிடிட்டி தொல்லையைத் தவிர்க்க எளிய வழிமுறைகள் உள்ளன. சூவிங் கம் சாப்பிடுவது உமிழ்நீரை அதிகரித்து, உணவுக்குழாய் வழியாக வயிற்று அமிலத்தைச் சுத்தம் செய்ய உதவும். இதில் பைக்கார்பனேட் உள்ளது.
அசிடிட்டியைத் தவிர்க்க, கொழுப்பு நிறைந்த உணவுகள், காஃபின், சோடா, புதினா, சிட்ரஸ் பழங்கள், தக்காளி, வெங்காயம் போன்றவற்றை அதிகமாக உட்கொள்ளக் கூடாது. மாறாக, நார்ச்சத்து மிகுந்த உணவுகளை அதிகம் எடுத்துக்கொள்ள வேண்டும்.
மூன்று வேளை உண்பதற்குப் பதிலாக, 4-5 வேளைகளாகப் பிரித்து உண்பது நல்லது. செரிமானம் ஆகாத மாவுச்சத்துக்கள் பாக்டீரியா வளர்ச்சிக்கு வழிவகுக்கும் என்பதால், அவற்றை உணவில் குறைத்துக் கொள்வது அவசியம். மாவுச்சத்து காரணமாக வயிற்றில் அழுத்தம் அதிகரித்து அமிலத்தன்மை ஏற்பட வாய்ப்புள்ளது.
மது அருந்துவது அமிலத்தன்மையை அதிகரிக்கும். இது நெஞ்செரிச்சலை அதிகப்படுத்தி, உணவுக்குழாயில் இருந்து அமிலம் வெளியேறுவதைத் தடுக்கும். எனவே, மது அருந்துவதை முற்றிலுமாகத் தவிர்ப்பது நல்லது. உறங்குவதற்கு மூன்று மணிநேரம் முன்பாகவே உணவை முடித்துவிடுவது, உணவு செரிமானம் ஆகி அசிடிட்டி அதிகரிக்காமல் இருக்க உதவும். தூங்கும் முன் சாப்பிட்டால், உணவு செரிக்காமல் அமிலத்தன்மை அதிகரிக்க வாய்ப்புள்ளது.
