தமிழகத்தின் புதிய முதல்வராகப் பொறுப்பேற்றுக்கொண்ட விஜய், முன்னாள் முதல்வர் ஸ்டாலின், உதயநிதி, மதிமுக பொதுச்செயலாளர் வைகோ, பாமக தலைவர் அன்புமணி, நாம் தமிழர் கட்சியின் ஒருங்கிணைப்பாளர் சீமான் உள்ளிட்டோரை நேரில் சந்தித்து வாழ்த்து பெற்றார்.
அரசியல் ரீதியாக மாறுபட்ட கருத்துகள் கொண்ட தலைவர்களாக இருந்தாலும், முதல்வர் பதவியேற்ற பிறகு விஜய் அவர்களைச் சந்தித்தது பரவலான வரவேற்பைப் பெற்றுள்ளது.
இந்நிலையில், விடுதலை சிறுத்தைகள் கட்சியின் தலைவர் தொல் திருமாவளவன் இது குறித்துக் கருத்து தெரிவித்துள்ளார். அவர் கூறியதாவது: 'முக ஸ்டாலின், உதயநிதி மற்றும் திமுக கூட்டணிக் கட்சித் தலைவர்களைச் சந்தித்து வாழ்த்து பெறும் முதல்வர் விஜய் அவர்களின் இந்த அணுகுமுறை, அரசியல் நாகரிகத்தின் முதிர்ச்சிக்கு ஓர் அடையாளம். முதல்வருக்கும், அவரை ஆரத்தழுவி வரவேற்ற முன்னாள் முதல்வருக்கும், துணை முதல்வருக்கும் எமது மனமார்ந்த பாராட்டுகள்.' என்று அவர் கூறியுள்ளார்.
