சென்னை: பயிர்க்கடன் தள்ளுபடி என்ற பெயரில் விவசாயிகளை தவெக அரசு ஏமாற்றி வருவதாக எதிர்க்கட்சி தலைவர் உதயநிதி ஸ்டாலின் குற்றம்சாட்டியுள்ளார். இது குறித்து அவர் தனது எக்ஸ் தளத்தில் பதிவிட்டதாவது, 'தேர்தல் வாக்குறுதியில் 5 ஏக்கர் வரை நிலம் வைத்திருக்கும் விவசாயிகளுக்கு முழுமையான பயிர்க்கடன் தள்ளுபடி செய்யப்படும் என தெரிவித்திருந்தீர்கள். ஆனால் தற்போது ரூ.50,000 வரையிலான கடனுக்கு மட்டுமே முழு தள்ளுபடி என அறிவித்துள்ளீர்கள். இது விவசாயிகளுக்கு இழைக்கப்படும் அநீதி மற்றும் மாபெரும் நம்பிக்கை மோசடி ஆகும்.'
மேலும் அவர், 'ஏற்கனவே 200 யூனிட் வரை இலவச மின்சாரம் என அறிவித்துவிட்டு, 500 யூனிட்டுக்கு மேல் பயன்படுத்தினால் இலவச மின்சாரம் கிடையாது என அதிர்ச்சி கொடுத்தீர்கள். இப்போது பயிர்க்கடன் தள்ளுபடி என்ற பெயரில் மோசடி செய்கிறீர்கள். இதுபோன்று இன்னும் பல ஏமாற்றங்களுக்கு மக்கள் மனதளவில் தயாராக இருக்க வேண்டுமா சி.எம் சார்?' என்றும் கேள்வி எழுப்பியுள்ளார்.
தவெக அரசின் இந்த அறிவிப்பு விவசாயிகளிடையே பெரும் அதிருப்தியை ஏற்படுத்தியுள்ளது. தேர்தல் நேரத்தில் அளித்த வாக்குறுதிகளுக்கும், தற்போது செயல்படுத்தப்படும் திட்டங்களுக்கும் இடையே உள்ள வேறுபாடு குறித்து மக்கள் மத்தியில் கேள்விகள் எழுந்துள்ளன.
விவசாயிகளின் நலனைப் பாதுகாப்பதில் அரசுக்கு அக்கறை இல்லை என்றும், இது போன்ற நடவடிக்கைகள் விவசாயிகளின் வாழ்வாதாரத்தை மேலும் பாதிக்கும் என்றும் அரசியல் நோக்கர்கள் கருத்து தெரிவித்துள்ளனர்.
