சென்னை தலைமைச் செயலகத்தில் நேற்று தமிழக அரசின் நிதிநிலை மற்றும் நிதித்துறையின் செயல்பாடுகள் குறித்து முதலமைச்சர் விஜய் தலைமையில் விரிவான ஆய்வு நடத்தப்பட்டது. இந்தப் புள்ளிவிவர ஆய்வு கூட்டத்தில், வரவிருக்கும் பட்ஜெட் தயாரிப்பு, திட்டங்களுக்கான நிதி ஒதுக்கீடு, தேர்தல் வாக்குறுதிகள் நிறைவேற்றத் தேவையான செலவுகள் ஆகியவை குறித்து விரிவாக விவாதிக்கப்பட்டது.
இந்த ஆய்வைத் தொடர்ந்து, இன்று தமிழகத்தின் தொழில் வளர்ச்சியை மேம்படுத்தும் நோக்கில், முக்கிய தொழில் நிறுவனங்களின் உயர் அதிகாரிகளுடன் முதலமைச்சர் விஜய் முக்கிய ஆலோசனையில் ஈடுபட்டார். BMW, TVS, Hudson போன்ற முன்னணி நிறுவனங்களின் முதன்மை செயல் அதிகாரிகள் இந்தக் கூட்டத்தில் பங்கேற்றனர்.
தமிழகத்தின் ஒட்டுமொத்த தொழில் வளர்ச்சியை அதிகரிக்கும் திட்டங்கள் குறித்து ஆலோசிக்கப்பட்டது. குறிப்பாக, ஏற்கனவே மாநிலத்தில் மேற்கொள்ளப்பட்ட முதலீடுகளின் நிலை மற்றும் எதிர்காலத்தில் தொழில் வளர்ச்சியை ஊக்குவிக்கும் புதிய திட்டங்கள் பற்றியும் விரிவாகப் பேச்சுவார்த்தை நடத்தப்பட்டது. முதலீடுகளை ஈர்ப்பதற்கான வாய்ப்புகள் குறித்தும் விவாதிக்கப்பட்டது.
தொழில் துறையின் தேவைகள் மற்றும் சவால்களைப் புரிந்துகொள்வதோடு, அதன் மூலம் மாநிலத்தின் பொருளாதாரத்தை வலுப்படுத்தும் தொலைநோக்குப் பார்வையுடன் இந்த ஆலோசனைக் கூட்டம் நடைபெற்றது. முதலமைச்சரின் இந்த நடவடிக்கை, தமிழகத்தை ஒரு முக்கிய தொழில் மையமாக மாற்றும் அவரது உறுதிப்பாட்டை மேலும் வலுப்படுத்துவதாக அமைந்துள்ளது.
