இரத்தத்தில் சர்க்கரை அளவை கட்டுக்குள் வைத்திருக்க பாதாம் பருப்பை எப்படி உட்கொள்ள வேண்டும் என்பது குறித்த முக்கிய தகவல்கள் வெளியாகியுள்ளன. பொதுவாக பாதாம் பருப்பை அப்படியே சாப்பிடுவதை விட, நீரில் ஊறவைத்து சாப்பிடும்போது அதன் நன்மைகள் பல மடங்கு அதிகரிப்பதாக கூறப்படுகிறது.
ஊறவைத்த பாதாமில் இருந்து லிபேஸ் என்ற நொதி வெளியிடப்படுகிறது. இந்த நொதி, நாம் உண்ணும் பிற உணவுகளை எளிதாக செரிக்க உதவுகிறது. மேலும், உடலில் உள்ள கெட்ட கொழுப்பைக் குறைத்து, நல்ல கொழுப்பை அதிகரிக்கும் தன்மை ஊறவைத்த பாதாமுக்கு உண்டு. இது இதய ஆரோக்கியத்திற்கு மிகவும் நன்மை பயக்கும்.
ஊறவைத்த பாதாம் சாப்பிடுவதால், இரத்தத்தில் ஆல்ஃபா டேகோபெரோல் என்ற பொருள் அதிகரிக்கிறது. இது இரத்த அழுத்தத்தை சீராக வைத்திருக்க உதவுகிறது. அதோடு, இரத்தத்தில் உள்ள சர்க்கரை அளவையும் கட்டுக்குள் கொண்டுவர இது துணைபுரிகிறது.
பாதாமில் உள்ள ஆரோக்கியமான கொழுப்புகள், நீண்ட நேரம் வயிற்றை நிறைவாக வைத்திருக்கும். இதனால், நொறுக்குத் தீனிகள் சாப்பிடும் பழக்கம் குறையும், இது உடல் எடை குறைப்புக்கு வழிவகுக்கும்.
கர்ப்பிணிப் பெண்களுக்கு ஊறவைத்த பாதாம் ஒரு வரப்பிரசாதமாகும். இதில் உள்ள ஃபோலிக் அமிலம், குழந்தையின் ஆரோக்கியமான வளர்ச்சிக்கு உதவுவதோடு, பிறவிக் குறைபாடுகளையும் தடுக்கிறது.
மேலும், ஊறவைத்த பாதாமில் உள்ள ஆன்டி-ஆக்ஸிடன்ட்கள் இளமையான தோற்றத்தைப் பராமரிக்க உதவுகின்றன. இதில் உள்ள வைட்டமின் பி17, புற்றுநோய் செல்களை எதிர்த்துப் போராடும் ஆற்றல் கொண்டதாகக் கருதப்படுகிறது.
பாதாம் பருப்பை அதிகமாக உட்கொள்ளும்போது, அதில் உள்ள சத்துக்கள் நோய் எதிர்ப்பு சக்தியை அதிகரிக்கின்றன. இதனால், காய்ச்சல் மற்றும் வைரஸ் தொற்றுகளிலிருந்து உடல் பாதுகாக்கப்படும். எனவே, ஊறவைத்த பாதாம் பருப்பை அன்றாட உணவில் சேர்த்துக்கொள்வது ஒட்டுமொத்த உடல் நலத்திற்கும் சிறந்தது.
