உடற்பயிற்சி செய்வதை விட, உணவில் கலோரிகளைக் குறைப்பதன் மூலம் அதிக எடையைக் குறைக்க முடியும் என சுகாதார வல்லுநர்கள் தெரிவிக்கின்றனர். வாரத்திற்கு 1-2 பவுண்டுகள் என்ற அளவில் எடை குறைப்பதே ஆரோக்கியமானது என்றும் அவர்கள் கூறுகின்றனர். இந்தச் சூழலில், உடற்பயிற்சி செய்யாமலேயே எடை குறைப்பது எப்படி என்பதைப் பார்ப்போம்.
பொதுவாக, ஆண்களை விட பெண்கள் அதிக கொழுப்பு மற்றும் தசை கொண்டிருப்பதால், அவர்களுக்கு எடை குறைப்பு சற்று தாமதமாகிறது என ஆய்வுகள் தெரிவிக்கின்றன. ஒரே மாதிரியான டயட்டைப் பின்பற்றும் பெண்களை விட ஆண்கள் வேகமாக எடை குறைத்துவிடுகின்றனர். இருப்பினும், வயது அதிகரிக்கும்போது உடல் அமைப்பில் இயல்பாகவே பல மாற்றங்கள் ஏற்படுகின்றன. குறிப்பாக, முதிய வயதில் கொழுப்பு அதிகரித்து, தசை திறன் குறைகிறது.
உடலின் முக்கிய உறுப்புகளின் கலோரி தேவைகள் குறைவதும் உடல் எடையைத் தீர்மானிக்கிறது. நாம் அன்றாடம் எடுத்துக்கொள்ளும் அதிக கலோரிகள், உடல் எடையை அதிகரிக்கச் செய்து பாதிக்கிறது. குறைவான கலோரிகளைத் தொடர்ந்து சாப்பிட்டு வந்தால், எடை இழப்பு வேகமாக இருக்கும். ஒருவரின் தூக்கமும் எடை குறைப்பதில் முக்கிய பங்கு வகிக்கிறது என்பது பலரும் அறியாத உண்மை.
தொடர்ச்சியான தூக்கமின்மை இருந்தால், எடை குறைப்பு தாமதமாகும் என சுகாதார நிபுணர்கள் எச்சரிக்கின்றனர். மேலும், தூக்கமின்மை ஜங்க் ஃபுட் மீதான ஆர்வத்தை அதிகரிப்பதாகவும் பல ஆய்வுகள் கூறுவதாக அவர்கள் குறிப்பிட்டுள்ளனர்.
