சர்வதேச இந்திய திரைப்பட விழா 2023-இல் அதிகாரப்பூர்வமாகத் தேர்வு செய்யப்பட்ட '1947: பிரெக்ஸிட் இந்தியா' என்ற ஆவணப்படத்தை இளைஞர்கள் கட்டாயம் பார்க்க வேண்டும் என காங்கிரஸ் எம்.பி. சசி தரூர் வலியுறுத்தியுள்ளார்.
இந்த ஆவணப்படம் விரைவில் முன்னணி ஓடிடி தளத்தில் வெளியாகவுள்ளது. இந்தியாவின் பிரிவினையை மையமாக வைத்து எடுக்கப்பட்ட இந்த ஆவணப்படம், அதன் வரலாற்று முக்கியத்துவத்திற்காக பரவலாகப் பாராட்டப்பட்டுள்ளது.
பிரிவினையின் போது நடந்த கொடூரமான சம்பவங்கள், அதனால் ஏற்பட்ட பாதிப்புகள் மற்றும் அதன் நீண்டகால விளைவுகள் ஆகியவற்றை ஆவணப்படம் சித்தரிக்கிறது. இது இந்திய வரலாற்றின் ஒரு முக்கியமான காலகட்டத்தைப் புரிந்துகொள்ள உதவும் என்று தரூர் தெரிவித்துள்ளார்.
வரலாற்றைத் தெரிந்துகொள்வதன் முக்கியத்துவத்தை வலியுறுத்திய தரூர், இளைய தலைமுறையினர் இந்த ஆவணப்படத்தைப் பார்த்து, கடந்த கால தவறுகளிலிருந்து பாடம் கற்றுக்கொள்ள வேண்டும் என்று கேட்டுக்கொண்டார்.
