வரும் ஜூன் 7 முதல் 13, 2026 வரையிலான வாரத்தில் கும்ப ராசிக்காரர்களுக்கு முன்னேற்றமான சூழல் நிலவும். ராசிக்குரிய பூர்வ புண்ணிய ஸ்தான அதிபதி புதன் ஆட்சி பலம் பெறுவதால், மனம், புத்தி, செயல் மூன்றிலும் ஒருமித்த தன்மை உண்டாகும். குல தெய்வத்தின் அருளும், முன்னோர்களின் ஆசியும் உங்களுக்குக் கிடைக்கும்.
தொழில் துறையில் சிறப்பான வளர்ச்சி ஏற்படும். அரசுப் பணியில் இருப்பவர்களுக்கு எதிர்பார்த்த பதவி உயர்வுக்கான வாய்ப்புகள் கைகூடும். குடும்பத்தில் இதுவரை இருந்த குழப்பங்கள், சம்பந்தம் இல்லாத மூன்றாம் நபரால் தீர்ந்து, அமைதி திரும்பும். பொருளாதார நிலையில் நல்ல முன்னேற்றம் காணப்படும். அறியாமல் வாங்கிய வில்லங்க சொத்துக்களுக்கு உரிய பட்டா மற்றும் முறையான ஆவணங்கள் விரைவில் கிடைக்கும்.
மாணவர்களுக்கு உயர் கல்விக்காக விரும்பிய கல்லூரியில் படிக்க இடம் கிடைக்கும். பருவ வயதுப் பெண்களுக்கு மனதிற்கு பிடித்த மணாளன் மாலை சூடும் வாய்ப்பு உண்டு. குழந்தை பாக்கியத்திற்காகக் காத்திருப்பவர்களுக்கு, அதிலிருந்த காலதாமதம் நீங்கி, நற்செய்தி வரும். தடைபட்ட வாடகை வருமானம் மீண்டும் கிடைக்கத் தொடங்கும்.
நீண்ட நாட்களாக நோயின் காரணமாக மருத்துவமனையில் தங்கி சிகிச்சை பெற்றவர்கள் வீடு திரும்புவார்கள். பிள்ளைகளால் உங்களுக்கு ஆதாயம் உண்டாகும். கணவன் மனைவிக்கு இடையே ஒற்றுமை அதிகரிக்கும். பிரதோஷ நாளன்று வாசனை திரவியங்களால் சிவனுக்கு அபிஷேகம் செய்வது சிறப்பு.
– 'பிரசன்ன ஜோதிடர்' ஐ. ஆனந்தி, செல்: 98652 20406
