பள்ளிக்குச் செல்லும்போது நடந்த கோர விபத்தில் தாத்தா, பேரன், பேத்தி என மூவர் பரிதாபமாக உயிரிழந்த சம்பவம் பெரும் சோகத்தை ஏற்படுத்தியுள்ளது.
ஐஸ்கிரீம் ஏற்றி வந்துகொண்டிருந்த ஒரு சரக்கு வேன், சிறுவர்களின் தாத்தா ஓட்டிச் சென்ற ஸ்கூட்டரின் பின்புறத்தில் அதிவேகமாக மோதியுள்ளது. இந்த பயங்கர விபத்தில் ஸ்கூட்டரில் இருந்த தாத்தா, பேரன் மற்றும் பேத்தி ஆகியோர் சம்பவ இடத்திலேயே உயிரிழந்தனர்.
இந்த விபத்து குறித்து தகவலறிந்த காவல்துறையினர் உடனடியாக சம்பவ இடத்திற்கு விரைந்தனர். உயிரிழந்தவர்களின் உடல்களை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். விபத்துக்கான காரணம் குறித்து காவல்துறையினர் தீவிர விசாரணை மேற்கொண்டு வருகின்றனர்.
வேகமாக வந்த சரக்கு வேன் ஓட்டுநரின் கவனக்குறைவால் இந்த துயர சம்பவம் நிகழ்ந்திருக்கலாம் என முதற்கட்ட விசாரணையில் தெரியவந்துள்ளது. இந்த சோக சம்பவம் அப்பகுதியில் பெரும் அதிர்ச்சியையும், சோகத்தையும் ஏற்படுத்தியுள்ளது.
