இந்தியாவின் மிகவும் புகழ்பெற்ற இரு சக்கர வாகன தயாரிப்பு நிறுவனமான ராயல் என்ஃபீல்ட், தனது கம்பீரமான பைக்குகளால் பலரின் மனதை கவர்ந்துள்ளது. அந்த வகையில், ராயல் என்ஃபீல்ட் நிறுவனத்தின் ஒரு அற்புதமான மாடலான Meteor 350, அதன் விலை, தரம் மற்றும் மைலேஜ் ஆகியவற்றால் வாடிக்கையாளர்களை வெகுவாக ஈர்த்து வருகிறது.
இந்த Royal Enfield Meteor 350 பைக்கின் தொடக்க விலையே ரூபாய் 2 லட்சத்து 35 ஆயிரத்து 954 ஆகும். இதில் மொத்தம் ஐந்து விதமான வேரியண்ட்கள் கிடைக்கின்றன. அவை: Meteor 350 Fireball (ரூ. 2,35,954), Meteor 350 Stellar (ரூ. 2,45,599), Meteor 350 Aurora (ரூ. 2,48,921), Meteor 350 Supernova (ரூ. 2,60,022), மற்றும் Meteor 350 Sundowner Orange Special Edition (ரூ. 2,63,494) ஆகும்.
இந்த பைக்கில் 349.34 சிசி திறன் கொண்ட சக்திவாய்ந்த எஞ்சின் பொருத்தப்பட்டுள்ளது. மேலும், 5 கியர்களுடன் 191 கிலோ எடை கொண்ட இந்த பைக், 15 லிட்டர் கொள்ளளவு கொண்ட பெட்ரோல் டேங்கருடன் வருகிறது. ஒரு முறை பெட்ரோல் நிரப்பினால் சுமார் 480 கிலோமீட்டர் வரை பயணிக்க முடியும் என்பது இதன் சிறப்பம்சமாகும். இந்த பைக் லிட்டருக்கு 32 கிலோமீட்டர் வரை மைலேஜ் தருவதாகவும் தெரிவிக்கப்பட்டுள்ளது.
பல்வேறு வண்ண விருப்பங்களிலும் இந்த பைக் கிடைக்கிறது. சாம்பல், சிவப்பு, நீலம், பச்சை உள்ளிட்ட மொத்தம் 8 வண்ணங்களில் இது விற்பனைக்கு வருகிறது. இதன் கியர் அமைப்பு, 1 கியர் கீழேவும் மற்ற 4 கியர்கள் மேலேவும் இயக்கப்படும் வகையில் அமைந்துள்ளது. அசிஸ்ட் மற்றும் ஸ்லிப்பர் கிளட்ச் வசதி, சாகசப் பயணங்களுக்கு மேலும் வலு சேர்க்கிறது.
பாதுகாப்பு அம்சங்களைப் பொறுத்தவரை, இந்த பைக் பிஎஸ்6 பாஸ் 2பி எமிஷன் ஸ்டாண்டர்டுடன் வருகிறது. டூயல் சேனல் ஏபிஎஸ் பிரேக்கிங் சிஸ்டம், முன்பக்கம் மற்றும் பின்பக்கம் டிஸ்க் பிரேக்குகள், மற்றும் அலாய் சக்கரங்கள் ஆகியவை இதன் பாதுகாப்பை உறுதி செய்கின்றன. முன்பக்கம் 19 இன்ச் மற்றும் பின்பக்கம் 17 இன்ச் டயர்கள் பொருத்தப்பட்டுள்ளன.
சஸ்பென்ஷன் அமைப்பைப் பார்த்தால், முன்பக்கத்தில் டெலிஸ்கோபிக் சஸ்பென்சனும், பின்பக்கத்தில் ட்வின் ட்யூப் எமில்சன் ஷாக் அப்சார்பரும் பயன்படுத்தப்பட்டுள்ளது. 170 மி.மீட்டர் கிரவுண்ட் கிளியரன்ஸ், 3 லிட்டர் ரிசர்வ் டேங்கர் கொள்ளளவு போன்றவையும் இதில் அடங்கும். மேலும், 30 ஆயிரம் கிலோமீட்டர் அல்லது 3 வருடங்களுக்கு வாரண்டியும் வழங்கப்படுகிறது.
இந்த Meteor 350 பைக்கில் எல்சிடி செமி – டிஜிட்டல் டிஸ்ப்ளே, ப்ளூடூத் இணைப்பு, ஜிபிஎஸ் நேவிகேஷன், 2 ட்ரிப்மீட்டர்கள், லோ பேட்டரி, லோ ஃபியூல், லோ ஆயில் இண்டிகேட்டர்கள் போன்ற நவீன வசதிகள் உள்ளன. ஹசார்ட் வார்னிங், ஹை பீம், மால்ஃபங்ஷன் இண்டிகேட்டர்கள், நேரம் பார்க்கும் வசதி, யுஎஸ்பி சார்ஜிங் போர்ட் போன்றவையும் இதில் இடம்பெற்றுள்ளன.
மேலும், சைட் ஸ்டாண்ட் எஞ்சின்/மோட்டார் கட்-ஆஃப், செல்ஃப் ஸ்டார்ட், சைலன்ஸ் கவர், கில் ஸ்விட்ச் போன்ற வசதிகளும் இதில் உள்ளன. எல்இடி முகப்பு விளக்குகள், பகலில் எரியும் டிஆர்எல் விளக்குகள், பிரேக்/டெயில் விளக்குகள் மற்றும் எல்இடி சிக்னல் விளக்குகள் ஆகியவை இதன் தோற்றத்திற்கு மேலும் மெருகூட்டுகின்றன.
