கிசா: எகிப்து நாட்டில் உள்ள கிசா நகரில் உலக ஸ்குவாஷ் சாம்பியன்ஷிப் போட்டி நடைபெற்று வருகிறது. இதில் ஆடவர் ஒற்றையர் பிரிவு முதல் சுற்றில் உலகத் தரவரிசையில் 40-வது இடத்தில் உள்ள இந்தியாவின் ரமித் தாண்டன், 21-வது இடத்தில் உள்ள எகிப்தின் கரீம் எல் டோர்க்கியை எதிர்த்து விளையாடினார்.
இதில் ரமித் தாண்டன் 6-11, 11-7, 6-11, 0-11 என்ற செட் கணக்கில் தோல்வி அடைந்தார். மற்றொரு ஆட்டத்தில் 50-ம் நிலை வீரரான இந்தியாவின் வேலவன் செந்தில்குமார் 8-11, 8-11, 3-11 என்ற செட் கணக்கில் உலகத் தரவரிசையில் 5-வது இடத்தில் உள்ள பிரான்ஸின் விக்டர் கூரியனிடம் வீழ்ந்தார்.
