இளவயதினரை வாட்டி வதைக்கும் முடி உதிர்வு பிரச்சனைக்கு வெங்காயம் மற்றும் தேன் கலவை ஒரு சிறந்த தீர்வாக அமையும் என கூறப்படுகிறது. முன்பெல்லாம் வயதானவர்களுக்கு மட்டுமே இருந்த இந்த பிரச்சனை, தற்போது இளம் வயதினரிடையேயும் பரவலாக காணப்படுகிறது.
இந்த எளிய வீட்டு வைத்தியத்தை தயாரிக்க, முதலில் நடுத்தர அளவிலான வெங்காயத்தை தோலுரித்து பொடியாக நறுக்கி, மிக்ஸியில் இட்டு சாறு பிழிந்து தனியாக எடுத்துக்கொள்ள வேண்டும். பின்னர், அரை கப் தேனை எடுத்து, இந்த வெங்காய சாறுடன் நன்கு கலக்க வேண்டும்.
இந்த வெங்காய-தேன் கலவையில், வாசனை எண்ணெயை 10 துளிகள் சேர்க்க வேண்டும். உங்களுக்கு தலையில் பொடுகு பிரச்சனை இருந்தால், தேயிலை மர எண்ணெய் அல்லது யூகலிப்டஸ் எண்ணெய் சேர்ப்பது சிறந்தது. தலையில் அதிக வறட்சி இருந்தால், பாதாம் எண்ணெய் அல்லது ஆலிவ் எண்ணெயை பயன்படுத்தலாம்.
தயாரான இந்த கலவையை, தலையின் ஒவ்வொரு பகுதியிலும் ஸ்கால்ப்பில் படுமாறு நன்றாக தடவ வேண்டும். ஸ்கால்ப்பில் படும்படி தடவுவது மிகவும் முக்கியம். மீதமுள்ள கலவையை முடியின் நுனி வரை தடவிக்கொள்ளலாம். இந்த கலவை முடி உதிர்வை கட்டுப்படுத்த உதவும் என நம்பப்படுகிறது.
