மிதுனம் ராசிக்காரர்களுக்கு இந்த வாரம் (7.6.2026 முதல் 13.6.2026 வரை) வருமானப் பற்றாக்குறை நீங்கும். ராசி அதிபதி புதன் தனது சொந்த ராசியில் ஆட்சி பலம் பெற்று அமர்ந்திருப்பதால், குடும்பத்தில் உங்கள் பேச்சுக்கு உரிய மதிப்பும் மரியாதையும் கிடைக்கும். புதிய தொழில்களைத் தேர்ந்தெடுத்து, படிப்படியாக முன்னேறி வெற்றி வாகை சூடுவீர்கள். உங்கள் மதி நுட்பமான செயல்களால் அனைவரின் நன்மதிப்பையும் பாராட்டுகளையும் பெறுவீர்கள். தனித்துவத்துடன் மிளிர்வீர்கள்.
பிள்ளைகளின் முன்னேற்றம் உங்களுக்குப் பெருமை சேர்க்கும். குழந்தை பாக்கியம் உண்டாகும். சிலருக்கு கவுரவப் பதவிகள் தேடி வரும். வழக்குகள் உங்களுக்குச் சாதகமாக முடியும். பழைய கூட்டாளிகள் விலகிச் சென்றாலும், புதிய தொழில் கூட்டாளிகள் உங்களுக்குக் கிடைப்பார்கள். குடும்பத்தில் உங்கள் வார்த்தைக்கு மதிப்பு உயரும்.
அடமானமாக வைத்திருந்த சொத்துக்கள், நகைகளை மீட்கும் வாய்ப்பு அமையும். பழைய சொத்துக்களை விற்றுவிட்டு, புதிய சொத்து வாங்கும் திட்டங்கள் கைகூடும். கடன் தொல்லைகளிலிருந்து தற்காலிக நிவாரணம் கிடைக்கும். நோய்களின் தாக்கம் வெகுவாகக் குறையும். வேலை இழந்தவர்களுக்கு நல்ல வேலை வாய்ப்புகள் அமையும்.
சேமிக்கும் வகையில் உங்கள் வருமானம் உயரும். அநாவசிய செலவுகளைக் கட்டுப்படுத்துவீர்கள். பிரதோஷ நாளன்று சிவனுக்கு வில்வ அர்ச்சனை செய்வது நன்மை தரும். 'பிரசன்ன ஜோதிடர்' ஐ. ஆனந்தி, செல்: 98652 20406.
