2026 ஐபிஎல் தொடரின் 70வது லீக் ஆட்டத்தில், கொல்கத்தா நைட் ரைடர்ஸ் மற்றும் டெல்லி கேபிடல்ஸ் அணிகள் இன்று மோதுகின்றன. கொல்கத்தாவின் ஈடன் கார்டன் மைதானத்தில் நடைபெறும் இந்தப் போட்டியில், டாஸ் வென்ற கொல்கத்தா கேப்டன் அஜின்க்யா ரகானே முதலில் பந்துவீச்சை தேர்வு செய்துள்ளார்.
பிளே-ஆப் சுற்றுக்கு முன்னேறும் வாய்ப்பை தக்கவைக்க கொல்கத்தா அணிக்கு இந்தப் போட்டி வாழ்வா சாவா போராட்டமாகும். தற்போது புள்ளிப்பட்டியலில் 6வது இடத்தில் உள்ள கொல்கத்தா, இந்த போட்டியில் வெற்றி பெறுவதோடு, மும்பை மற்றும் ராஜஸ்தான் அணிகளுக்கு இடையேயான போட்டியின் முடிவையும் பொறுத்தே அமையும். மேலும், ரன் ரேட் அடிப்படையில் முன்னேற, டெல்லி நிர்ணயிக்கும் இலக்கை மிக விரைவாக எட்ட வேண்டிய கட்டாயத்தில் கொல்கத்தா உள்ளது.
டெல்லி கேபிடல்ஸ் அணி ஏற்கனவே தொடரில் இருந்து வெளியேறிவிட்டாலும், கடைசிப் போட்டியில் வெற்றியைப் பதிவு செய்யும் முனைப்புடன் விளையாடுகிறது. அந்த அணியில் நட்சத்திர சுழற்பந்து வீச்சாளர் குல்தீப் யாதவ் மற்றும் நபி ஆகியோர் மீண்டும் அணியில் சேர்க்கப்பட்டுள்ளனர். கொல்கத்தா அணியில் எந்த மாற்றமும் செய்யப்படவில்லை. ஈடன் கார்டன் ஆடுகளம் பேட்டிங்கிற்கு சாதகமாக இருக்கும் என்றும், சிறிய எல்லைகள் காரணமாக ரன் மழை பொழியக்கூடும் என்றும் எதிர்பார்க்கப்படுகிறது.
அஜின்க்யா ரகானே தலைமையிலான கொல்கத்தா அணி, ஈடன் கார்டன் ரசிகர்களின் ஆதரவுடன் தங்களது பிளே-ஆப் கனவை நனவாக்க கடுமையாகப் போராடும். டெல்லி கேபிடல்ஸ் அணி: அபிஷேக் போரல், கே.எல். ராகுல், சாஹில் பராக், டிரிஸ்டன் ஸ்டப்ஸ், டேவிட் மில்லர், அக்சர் படேல், அசுதோஷ் சர்மா, மாதவ் திவாரி, ஆகிப் நபி, மிட்செல் ஸ்டார்க், லுங்கி என்கிடி. கொல்கத்தா நைட் ரைடர்ஸ் அணி: அஜின்க்யா ரகானே, தேஜஸ்வி தஹியா, கேமரூன் கிரீன், ரோவ்மன் பவல், மனிஷ் பாண்டே, ரிங்கு சிங், சுனில் நரைன், அனுகுல் ராய், வருண் சக்கரவர்த்தி, சௌரப் துபே, கார்த்திக் தியாகி.
