சென்னை: ஐபிஎல் 2026 போட்டியில், சென்னை சூப்பர் கிங்ஸ் வீரர் டெவால்ட் பிரெவிஸ், லக்னோ சூப்பர் ஜெயன்ட்ஸ் ஆட்டக்காரர் ஐடன் மார்க்ரமை ரன் அவுட் செய்து அசத்தினார். சென்னை சேப்பாக்கம் மைதானத்தில் நடைபெற்ற இந்த ஆட்டத்தில், டாஸ் வென்ற CSK கேப்டன் ருதுராஜ் கெய்க்வாட் முதலில் பந்துவீச முடிவு செய்தார். எனினும், லக்னோ அணி மின்னல் வேகத்தில் தங்கள் இன்னிங்ஸைத் தொடங்கியது.
அதிரடியாக ஆடிய இங்கிலிஸ் வெறும் 17 பந்துகளில் தனது அரைசதம் அடித்து அசத்தினார். இதனால், நான்காவது ஓவரிலேயே லக்னோ அணியின் ஸ்கோர் ஐம்பதை தாண்டியது.மார்ஷை 10 ரன்களில் அன்ஷுல் கம்போஜ் வெளியேற்ற பிரெவிஸ் அபார கேட்ச் பிடித்தார். லக்னோவின் முதல் விக்கெட் வீழ்ந்தது. அதைத் தொடர்ந்து, பவர் பிளே முடிந்த உடன், நூர் அஹமது பந்துவீச்சில் நிக்கோலஸ் பூரன் (3 பந்துகளில் 1 ரன்) சர்பராஸ் கானிடம் கேட்ச் கொடுத்து வெளியேறினார்.
பத்தாவது ஓவரில் ஓவர்டன், லக்னோவுக்கு இரட்டை அதிர்ச்சி அளித்து நிலைகுலையச் செய்தார். சஞ்சு சாம்சன் அபார கேட்ச்சில் இங்கிலிஸ் வெளியேற்றப்பட்டார், அதைத்தொடர்ந்து பஞ்ச் ஓவர்டன் பந்துவீச்சில் போல்ட் ஆனார்.அக்சத் ரகுவன்ஷியை 18 ரன்களுக்கு (18 பந்துகள்) அவுட்டாக்கி, ஓவர்டன் தனது மூன்று விக்கெட்டுகளைப் பூர்த்தி செய்தார்.
வெறும் 7 பந்துகளில் 6 ரன்கள் எடுத்திருந்த மார்க்ரமை க்ரீஸுக்கு வெளியே இருந்த நிலையில் பந்துவீச்சாளர் முனையில் ஸ்டம்புகளை தாக்கி ரன் அவுட் செய்து முக்கியமான பங்களிப்பைச் செய்தார்.இந்த ரன் அவுட் ஆட்டத்தில் முக்கியமான கட்டத்தில் நிகழ்ந்தது. ஏய்டன் மார்க்கரமை கில்லி போல் குறி வைத்து ரன் அவுட் செய்த பிரவீஸை சக சிஎஸ்கே வீரர்கள் கொண்டாடினார்கள்.
பின்னர், ஹிம்மத் சிங் (17) மற்றும் ஷாபாஸ் அஹமது இணைந்து 50 ரன்கள் முக்கியமான கூட்டாகச் சேர்த்தனர். கம்போஜ் ஹிம்மத்தை வெளியேற்றவும், ஷாபாஸ் அஹமது 25 பந்துகளில் ஆட்டமிழக்காமல் 43 ரன்களுடன் களத்தில் நின்று, லக்னோவை நிர்ணயிக்கப்பட்ட 20 ஓவர்களில் 203/8 என்ற வலுவான ரன்களுக்கு உயர்த்தினார்.
