பேரீச்சம்பழம் சாப்பிடுவதால் கொலஸ்ட்ரால் எவ்வாறு கட்டுப்படுத்தப்படுகிறது என்பது குறித்து விரிவாகக் காண்போம். பொதுவாக, பேரீச்சம்பழத்தில் கொலஸ்ட்ரால் அறவே இல்லை. கொலஸ்ட்ராலைக் கட்டுப்பாட்டில் வைத்திருக்க விரும்புவோர் பேரீச்சம்பழத்தை தங்கள் உணவில் சேர்த்துக்கொள்ளலாம். ஒரு நாளைக்கு எத்தனை பேரீச்சம்பழங்கள் சாப்பிட வேண்டும் என்பதைப் பார்ப்போம்.
பேரீச்சம் பழத்தில் கனிமங்கள், சர்க்கரை, கால்சியம், இரும்புச்சத்து, பொட்டாசியம் போன்ற அத்தியாவசிய சத்துக்களும், பல பாக்டீரியா எதிர்ப்பு பண்புகளும் நிறைந்துள்ளன. இவை உடலுக்கு மிகுந்த நன்மைகளை அளிக்கின்றன.
இதய நோய்கள், உயர் இரத்த அழுத்தம், கொலஸ்ட்ரால் பிரச்சனைகள் மற்றும் பக்கவாதம் போன்ற நோய்களால் பாதிக்கப்பட்டவர்களுக்கு பேரீச்சம்பழம் ஒரு மருந்தாகவே செயல்படுகிறது. இது நம் இதயத்தில் கொழுப்புகள் படிவதைத் தடுத்து, இரத்தக் கட்டிகள் உருவாகும் அபாயத்தில் இருந்து நம்மைக் காக்கிறது.
பேரீச்சம் பழத்தில் உள்ள துத்தநாகம், இன்சுலின் உற்பத்தியை அதிகரிக்க உதவுகிறது. அதே நேரத்தில், இதில் உள்ள மெக்னீசியம் இரத்த சர்க்கரை அளவை சீராக ஒழுங்குபடுத்துவதில் முக்கியப் பங்கு வகிக்கிறது.
கொலஸ்ட்ராலைக் கட்டுக்குள் வைத்திருக்க, ஒரு நாளைக்கு ஐந்து முதல் ஆறு பேரீச்சம் பழங்களைச் சாப்பிட்டாலே போதுமானது என்று கூறப்படுகிறது. இந்த அளவில் சாப்பிடுவது உடலுக்குப் பல நன்மைகளைத் தரும்.
எனினும், நாம் அளவுக்கு அதிகமாக பேரீச்சம் பழங்களை உட்கொள்ளும்போது, அதில் உள்ள சர்க்கரை அளவு காரணமாக தேவையற்ற பக்க விளைவுகள் ஏற்பட வாய்ப்புள்ளது. எனவே, எந்தவொரு உணவையும் அளவோடு உட்கொள்வது ஆரோக்கியமான வாழ்விற்கு வழிவகுக்கும்.
ஆகவே, பேரீச்சம்பழத்தின் நன்மைகளைப் பெற, அதை அளவோடு உண்டு ஆரோக்கியமாக வாழ்வோம்.
