சென்னை: தங்கம் விலை தொடர்ந்து சரிந்து வந்த நிலையில், நேற்று திடீரென ஏற்றம் கண்டது. இந்த விலை உயர்வு இன்று மேலும் அதிகரித்துள்ளது. நேற்றைய நிலவரப்படி, தங்கம் கிராமுக்கு ரூ.300-ம், சவரனுக்கு ரூ.2,400-ம் உயர்ந்து, ஒரு கிராம் ரூ.13,800-க்கும், ஒரு சவரன் ரூ.1,10,400-க்கும் விற்பனையானது.
தொடர்ந்து, இன்று சென்னையில் 22 கேரட் ஆபரணத் தங்கத்தின் விலை சவரனுக்கு ரூ.480 உயர்ந்து, ஒரு சவரன் ரூ.1,10,880-க்கு விற்பனை செய்யப்படுகிறது. ஒரு கிராம் தங்கம் ரூ.60 உயர்ந்து, ரூ.13,860-க்கு விற்பனையாகிறது.
கடந்த 10-ந்தேதி கிராமுக்கு ரூ.400-ம், சவரனுக்கு ரூ.3,200-ம் குறைந்திருந்த நிலையில், நேற்று முன்தினம் மேலும் கிராமுக்கு ரூ.300-ம், சவரனுக்கு ரூ.2,400-ம் குறைந்தது. இந்த சரிவுக்குப் பிறகு, நேற்று அதே அளவு தங்கம் விலை ஏற்றம் கண்டது.
வெள்ளி விலையைப் பொறுத்தவரையில், இன்று கிராமுக்கு ரூ.5-ம், கிலோவுக்கு ரூ.5 ஆயிரமும் அதிகரித்து, ஒரு கிராம் ரூ.270-க்கும், ஒரு கிலோ ரூ.2 லட்சத்து 70 ஆயிரத்துக்கும் விற்பனை செய்யப்பட்டு வருகிறது.
