சென்னையில் இன்று (மே 26) 22 காரட் ஆபரணத் தங்கத்தின் விலை கிராமுக்கு ரூ.50 குறைந்து, ஒரு கிராம் ரூ.14,730-க்கும், ஒரு பவுன் ரூ.1,17,840-க்கும் விற்பனையாகிறது. இதன் மூலம் ஒரு பவுன் தங்கம் இன்று ரூ.400 சரிந்துள்ளது.
சர்வதேச பொருளாதாரம், மத்திய கிழக்கில் நிலவும் போர் பதற்றம், கச்சா எண்ணெய் விலை, அமெரிக்க டாலருக்கு நிகரான இந்திய ரூபாயின் மதிப்பு, தங்கத்தின் மீதான முதலீடு, உலக பங்குச் சந்தை நிலவரங்கள் போன்ற பல்வேறு காரணிகளின் அடிப்படையில் தங்கத்தின் விலை நிர்ணயிக்கப்படுகிறது. இந்தியாவில் தங்கம் இறக்குமதிக்கு மத்திய அரசு சமீபத்தில் சுங்க வரியை 6 சதவீதத்தில் இருந்து 15 சதவீதமாக உயர்த்தியதையடுத்து, தங்கத்தின் விலையில் தொடர்ச்சியான மாற்றங்கள் ஏற்பட்டு வருகின்றன.
கடந்த சனிக்கிழமை அன்று தங்கம் விலை பவுனுக்கு ரூ.400 குறைந்த நிலையில், நேற்று (மே 25) மீண்டும் பவுனுக்கு ரூ.400 உயர்ந்தது. இந்நிலையில், இன்று மீண்டும் தங்கத்தின் விலையில் சரிவு ஏற்பட்டுள்ளது. 24 காரட் ஆபரணத் தங்கத்தின் விலையும் இன்று பவுனுக்கு ரூ.440 குறைந்து, ஒரு பவுன் ரூ.1,28,552-க்கு விற்பனையாகிறது.
வெள்ளி விலையில் இன்று எந்த மாற்றமும் இல்லை. ஒரு கிராம் வெள்ளி ரூ.295-க்கும், கட்டி வெள்ளி ஒரு கிலோ ரூ.2,95,000-க்கும் விற்பனையாகிறது.
