பொதுவாக பழங்கள் நம் உடலுக்கு நன்மை பயப்பவை. ஆனால், சில பழங்களை சாப்பிட்ட பிறகு சில விஷயங்களை கவனிக்காவிட்டால், அவை பக்க விளைவுகளை ஏற்படுத்தக்கூடும். குறிப்பாக, சில பழங்களை சாப்பிட்டவுடன் தண்ணீர் குடிப்பது உடலுக்கு தீங்கு விளைவிக்கும். எந்த பழங்களை சாப்பிட்ட பிறகு தண்ணீர் குடிக்கக்கூடாது என்பதை இந்த பதிவில் விரிவாக காண்போம்.
வாழைப்பழத்தில் மக்னீசியம் மற்றும் பொட்டாசியம் நிறைந்துள்ளது. இதை சாப்பிட்ட பிறகு தண்ணீர் குடிப்பது உடலையும் ஆரோக்கியத்தையும் பாதிக்கும். தர்பூசணியில் அதிக நீர்ச்சத்து இருப்பதால், இதை சாப்பிட்டவுடன் தண்ணீர் குடித்தால் செரிமான பிரச்சனை மற்றும் வயிறு வீக்கம் ஏற்படலாம். மாம்பழத்தில் உள்ள அதிகப்படியான என்சைம்கள் செரிமான பிரச்சனையை ஏற்படுத்தி ஆரோக்கியத்திற்கு கேடு விளைவிக்கும்.
பப்பாளி பழத்தில் உள்ள 'பாப்பின்' என்ற என்சைம் காரணமாக, பப்பாளி சாப்பிட்டு தண்ணீர் குடித்தால் வயிறு மந்தமாகி வயிற்றுப்போக்கு ஏற்பட வாய்ப்புள்ளது. அன்னாசி பழத்தில் உள்ள 'ப்ரோமிலெய்ன்' எனும் என்சைம், அன்னாசி சாப்பிட்டவுடன் தண்ணீர் குடித்தால் வயிறு சம்பந்தமான பல பிரச்சனைகளை உண்டாக்கும்.
ஆப்பிள் பழத்தில் 'பெக்டின்' என்ற நார்ச்சத்து அதிகம் காணப்படுகிறது. எனவே, ஆப்பிளை சாப்பிட்டவுடன் தண்ணீர் குடித்தால், வயிற்றில் வீக்கம் ஏற்படுவதோடு, வயிற்று சம்பந்தமான வேறு பிரச்சனைகளும் வரக்கூடும். பழங்களை சாப்பிடும்போது இந்த விஷயங்களை கவனத்தில் கொள்வது அவசியம்.
