பிரபல திரைப்பட இயக்குனரும், நடிகருமான சேரன் அவர்களின் தாயார் கமலா பாண்டியன் (84) வயது முதிர்வு மற்றும் உடல்நலக் குறைவால் இன்று காலமானார். மதுரை, பாரதி கண்ணம்மா, பாண்டவர் பூமி, வெற்றிக் கொடிகட்டு, தவமாய் தவமிருந்து போன்ற பல வெற்றிப் படங்களை இயக்கி, தமிழ் சினிமாவில் தனக்கென ஒரு தனி இடத்தைப் பிடித்தவர் இயக்குனர் சேரன். இவர் படங்களை இயக்கியதோடு மட்டுமல்லாமல், தனது யதார்த்தமான நடிப்பாலும் ரசிகர்களின் மனங்களில் நீங்கா இடம் பிடித்தவர்.
இந்த துயரச் செய்தி திரையுலகினர் மத்தியிலும், அவரது ரசிகர்களிடையேயும் பெரும் சோகத்தை ஏற்படுத்தியுள்ளது. தாயை இழந்த இயக்குனர் சேரனுக்கு திரைப்பிரபலங்கள் மற்றும் ரசிகர்கள் பலரும் தங்களது ஆழ்ந்த இரங்கலைத் தெரிவித்து வருகின்றனர். இந்த இக்கட்டான சூழலில் அவருக்கு ஆறுதல் கூறி வருகின்றனர்.
கமலா பாண்டியனின் இறுதிச் சடங்குகள் மற்றும் நல்லடக்கம், மதுரை மாவட்டம் மேலூர் அருகே உள்ள அவரது சொந்த ஊரான பாளையூர்பட்டியில் நாளை நடைபெறும் எனத் தெரிவிக்கப்பட்டுள்ளது. அவரது மறைவு குடும்பத்தினருக்கு பேரிழப்பாகும்.
இயக்குனர் சேரனின் தாயார் மறைவுக்கு MDTV 24×7 சார்பாக ஆழ்ந்த இரங்கலைத் தெரிவித்துக் கொள்கிறோம். அவரது ஆன்மா சாந்தியடைய பிரார்த்திக்கிறோம்.
