இலங்கையில் நடைபெற்ற காமன்வெல்த் செஸ் சாம்பியன்ஷிப் 2026 போட்டிகள் நேற்றுடன் நிறைவடைந்தன. இதில் இந்திய வீரர் பா. இனியன், ரேபிட் மற்றும் பிளிட்ஸ் ஆகிய இரு பிரிவுகளிலும் தங்கப் பதக்கம் வென்று சாம்பியன் பட்டம் பெற்றார். இரு பிரிவுகளிலும் தலா 7 ஆட்டங்களில் 6.5 புள்ளிகள் பெற்று அவர் இந்த சாதனையை படைத்தார்.
ரேபிட் பிரிவில், இந்திய வீரர் ஸ்ரீஹரி வெள்ளிப் பதக்கத்தையும், மித்ரபா வெண்கலப் பதக்கத்தையும் வென்றனர். பிளிட்ஸ் பிரிவில் ரோஹித் கிருஷ்ணா வெள்ளிப் பதக்கத்தையும், ஸ்ரீஹரி வெண்கலப் பதக்கத்தையும் கைப்பற்றினர்.
கிளாசிக்கல் பிரிவில், மித்ரபா சாம்பியன் பட்டம் வென்றார். ரணிந்து லியானகே வெள்ளிப் பதக்கத்தையும், ஸ்ரீஹரி வெண்கலப் பதக்கத்தையும் தட்டிச் சென்றனர்.
இந்த வெற்றியின் மூலம் இந்திய வீரர் இனியன் காமன்வெல்த் செஸ் போட்டிகளில் இரட்டை சாம்பியனாக உருவெடுத்துள்ளார். இது இந்தியாவிற்கு பெருமை சேர்க்கும் ஒரு வெற்றியாகும்.
