ராஜஸ்தானின் பிகானிரில் உள்ள சஞ்சு எல்லைச் சாவடியில் நடைபெற்ற நிகழ்ச்சியில் மத்திய உள்துறை அமைச்சர் அமித் ஷா உரையாற்றினார். அப்போது அவர், 'இந்தியா – பாகிஸ்தான் எல்லையில் புதிய பாதுகாப்பு சவால்கள் மற்றும் தொழில்நுட்ப அச்சுறுத்தல்கள் உருவாகி வருவதால், எல்லை பாதுகாப்புப் படைகளை நாம் மேம்படுத்த வேண்டும். எதிரிகள் தேசிய பாதுகாப்பை குறிவைக்க தொழில்நுட்பத்தை அதிகம் பயன்படுத்துகின்றனர். இதனால், எல்லைப் பகுதிகளில் பாதுகாப்புப் படைகள், மாநில அரசுகள், சிவில் நிர்வாகம் ஆகியவற்றுக்கு இடையே ஒருங்கிணைப்பை வலுப்படுத்த வேண்டியது அவசியமாகிறது' என்று தெரிவித்தார்.
மேலும், 'எல்லையில் இருந்து 50 கிலோ மீட்டர் தொலைவுக்குள் நடைபெறும் சட்டவிரோத கட்டுமானங்கள் உடனடியாக மாவட்ட ஆட்சியர் மற்றும் காவல் கண்காணிப்பாளருக்கு தெரிவிக்கப்பட வேண்டும். அதேபோல், எல்லைக் கிராமங்களில் ஏற்படும் மக்கள் தொகை மாற்றங்களும் அரசின் கவனத்துக்குக் கொண்டு வரப்பட வேண்டும். அனைத்து துறைகளிலும் ஆண் பணியாளர்களைப் போலவே பெண் பணியாளர்களையும் நியமித்து சமநிலையை ஏற்படுத்த வேண்டும் என்ற முடிவை நாம் எடுத்தபோது, எல்லையில் அவர்களுக்கு என்ன பொறுப்புகளை கொடுக்க முடியும், அது அவர்களுக்கு என்ன பயன்களைத் தரும் என்பது குறித்து ஒரு விவாதம் எழுந்தது' என்றும் அவர் கூறினார்.
தொடர்ந்து பேசிய அமித் ஷா, 'பணிவுடன் ஒரு தகவலை பகிர விரும்புகிறேன். எல்லை பாதுகாப்பில் ஆண்களின் பங்களிப்பை விட பெண்களின் பங்களிப்பு அதிகமாக உள்ளது. 2030க்குள் அனைத்து சலுகைகளும் பெண்களுக்கும் சென்று சேரும். ஆபரேஷன் சிந்தூர் நடவடிக்கையின்போது எல்லைப் பாதுகாப்புப் படையினரின் பங்களிப்பு பாராட்டுக்குரியது. நமது வீரர்கள் உறுதியாக நின்று, அசைக்க முடியாத மனவுறுதியுடன் சவால்களை எதிர்கொண்டு, உயர்ந்த மன உறுதியைப் பேணுவதில் முக்கிய பங்காற்றினர். தேவைப்படும் போதெல்லாம் அவர்கள் பாகிஸ்தானுக்கு தகுந்த பதிலடியை கொடுத்தனர்' என்று தெரிவித்தார்.
மேற்கு வங்கத்தில் 400 உணவகங்களில் ரூ.5-க்கு மீன்சாதம் வழங்கப்படும் என முதல்வர் சுவேந்து அதிகாரி அறிவித்ததும் இந்த நிகழ்ச்சியில் குறிப்பிடப்பட்டது.
