ஜாகிங் உடற்பயிற்சிக்கு பிறகு உங்கள் உடலுக்குத் தேவையான ஆற்றலை மீட்கவும், தசைகளை வலுப்படுத்தவும் சரியான உணவுகளைத் தேர்ந்தெடுப்பது மிகவும் அவசியம். ஜாகிங் செய்வதன் மூலம் உடலில் உள்ள ஆற்றல் முழுமையாக வெளியிடப்பட்டு, நாம் களைப்பாக உணர்கிறோம். மேலும், உடலின் செயல்பாடுகள் அதிகரித்து, தேவையற்ற கொழுப்புகள் கரைந்து, தசைகள் தங்களுக்குத் தேவையான ஆற்றலைப் பெற்று புதுப்பித்தல் பணியைத் தொடங்குகின்றன.
இந்த சமயத்தில், உடலுக்கு அதிக புரதச்சத்து நிறைந்த உணவுகள் தேவைப்படுகின்றன. குறிப்பாக, அமினோ ஆசிட் அர்ஜினைன், லைசின், க்ளூடமைன் மற்றும் பி.சி.ஏ.ஏ போன்ற புரதச் சத்துக்கள் நிறைந்த உணவுகளை உட்கொள்வது சிறப்பு. இவை தசைகளின் வளர்ச்சிக்கும், ஆற்றல் மீட்புக்கும் பெரிதும் உதவுகின்றன.
வாழைப்பழம் ஒரு சிறந்த தேர்வாகும். இதில் அதிகப்படியான கார்போஹைட்ரேட் இருப்பதால், உடற்பயிற்சி செய்வோரின் ஆற்றல் அளவை குறையாமல் போதுமான சக்தியை அளிக்கிறது. அதனால்தான், உடற்பயிற்சிக்குப் பிறகு வாழைப்பழம் சாப்பிடப் பரிந்துரைக்கப்படுகிறது.
பழங்கள் மற்றும் காய்கறிகளில் இயற்கையாகவே ஆன்டி ஆக்சிடென்ட்கள் நிறைந்துள்ளன. இவை உடலில் உள்ள கொழுப்புக் கட்டிகளைக் குறைக்க உதவுகின்றன. குறிப்பாக, முட்டைகோஸ் மற்றும் கொத்தமல்லி போன்ற காய்கறிகளில் அமினோ ஆசிட் க்ளூடமைன் அதிகமாக உள்ளது. இது ஜாகிங் செய்யும்போது ஏற்படும் க்ளூடமன் குறைபாட்டை ஈடுசெய்து, தசைகளின் உற்பத்திப் பணியைத் தொடங்க உதவுகிறது. எனவே, அதிக புரதம் நிறைந்த பழங்கள் மற்றும் காய்கறிகளை சாலட் போல உண்பது நல்லது.
ஓட்ஸில் நார்ச்சத்து மற்றும் கார்போஹைட்ரேட் அதிகமாக உள்ளன. இவை கொழுப்பை அதிகரிக்காமல் சமன்செய்து, உடல் எடையைக் கட்டுக்கோப்பாக வைத்திருக்க உதவுகின்றன. இது ஒரு சிறந்த ஆற்றல் மூலமாகவும் விளங்குகிறது.
பாதாம், முந்திரி, பிஸ்தா போன்ற நட்ஸ் வகைகளில் அதிக அளவில் புரதச்சத்துக்கள் நிறைந்துள்ளன. இவை உடலுக்குத் தேவையான ஆற்றல் சக்தியை அளிப்பதோடு, கொழுப்பின் அதிகரிப்பையும் கட்டுப்படுத்துகின்றன. இவற்றை ஓட்ஸுடன் கலந்தோ அல்லது மில்க்ஷேக்குகளில் சேர்த்தோ அருந்தலாம்.
பூசணி விதைகளில் பல மருத்துவ குணங்கள் உள்ளன. குறிப்பாக, நார்சத்து, புரதம், இரும்புச்சத்து மற்றும் விட்டமின் ஈ ஆகியவை இதில் நிறைந்திருக்கின்றன. 100 கிராம் பூசணி விதையை உட்கொண்டால் சுமார் 600 கலோரிகள் வரை பெறலாம். வறுத்த பூசணி விதைகளும் கிடைக்கின்றன, இவற்றை அப்படியே நொறுக்குத் தீனியாகவும் உண்ணலாம்.
சிக்கன் பிரெஸ்ட் குறைந்த கலோரி கொண்டதுடன், ஊட்டச்சத்துக்கள் நிறைந்த பகுதியாகும். இதை வேகவைத்து சாப்பிடுவது அன்றைய நாளின் ஆரோக்கியமான உணவாக அமையும். இது உடற்பயிற்சிக்குப் பிறகு தசைகளுக்குத் தேவையான புரதத்தை வழங்குகிறது.
