நாக்பூரில் உள்ள மாணவருக்கு அபுதாபியில் நீட் தேர்வு மையம் ஒதுக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது. இது தொடர்பாக காங்கிரஸ் தலைவர் ராகுல் காந்தி கடும் கண்டனம் தெரிவித்துள்ளார். மாணவருக்கு பாஸ்போர்ட் இல்லை, குடும்பத்திடம் வெளிநாட்டுக்கு அனுப்பப் பணவசதி இல்லை, மேலும் பயண ஏற்பாடுகளைச் செய்யப் போதுமான நேரமும் இல்லை. இதனால் மாணவர் இரவு முழுவதும் அழுதுகொண்டே இருந்து, தேர்வை எழுத மறுத்துவிட்டதாகக் கூறப்படுகிறது.
இது மாணவருக்கு ஏற்படுத்திய மன உளைச்சலை கற்பனை செய்து பார்க்க முடியவில்லை என்றும், எந்த மாணவருக்கும் தேர்வு மையத்தை அடைய முடியாத குறைபாடு ஏற்பட்டிருக்கக் கூடாது என்றும் ராகுல் காந்தி குறிப்பிட்டுள்ளார். இது நாட்டின் மாணவர்களையும் பெற்றோர்களையும் தேசியத் தேர்வு முகமை சோதித்துப் பார்ப்பது போல உள்ளதாக அவர் விமர்சித்துள்ளார்.
‘எங்கள் குழந்தைகளின் எதிர்காலத்தை வைத்துச் சூதாடுவதை நிறுத்துங்கள்’ என ராகுல் காந்தி வலியுறுத்தியுள்ளார். மாணவர்களுக்கு உணர்வுப்பூர்வமான, பொறுப்பான மற்றும் பொறுப்புக்கூறல் தன்மை கொண்ட ஒரு கல்வி அமைப்பும் தேர்வு ஆணையமுமே தேவை என்றும், அதை அவர்கள் பெறுவதை உறுதி செய்வோம் என்றும் அவர் தனது பதிவில் தெரிவித்துள்ளார்.
