நமது உடலில் மிக முக்கிய உறுப்பான நுரையீரலை ஆரோக்கியமாக வைத்துக்கொள்வது அவசியம். இதற்கு மிளகுத்தூள் பெரிதும் உதவும். நுரையீரலுக்கு ஆரோக்கியம் தரும் சில முக்கிய உணவுகள் குறித்து விரிவாகக் காண்போம்.
மஞ்சளில் அதிகளவு ஆன்டிஆக்ஸிடன்ட்கள் நிறைந்துள்ளன. இவை நுரையீரலில் உள்ள கிருமிகளை எதிர்த்துப் போராடி, அதனைப் பாதுகாக்கின்றன. மேலும், மஞ்சளை உட்கொள்வது நுரையீரலில் ஏற்படும் வீக்கம், சளி மற்றும் ஆஸ்துமா போன்ற நோய்களுக்கு ஒரு தீர்வாக அமையும்.
ஆப்பிளை உணவில் சேர்த்துக்கொள்வது ஆஸ்துமா மற்றும் நுரையீரல் புற்றுநோயின் ஆபத்தைக் குறைக்க உதவும். ஆப்பிளில் வைட்டமின்கள் மற்றும் ஆன்டிஆக்ஸிடன்ட்கள் அதிகமாகக் காணப்படுகின்றன. ஒரு நாளைக்கு கூடுதலாக 35 மி.கி வைட்டமின் சி உட்கொள்வது நல்லது. மிளகுத்தூளை தினமும் சாப்பிட்டு வந்தால் நுரையீரலில் ஏற்படும் வீக்கத்தைக் குறைக்கலாம்.
கீரைகளில் ஆன்டிஆக்ஸிடன்ட்கள் அதிகமாக இருப்பதால், நுரையீரல் புற்றுநோயால் ஏற்படும் பாதிப்பைக் குறைக்கும். தக்காளி மற்றும் தக்காளி அதிகம் உள்ள உணவுகளை உண்பது, நுரையீரல் ஆஸ்துமா பிரச்சினை உள்ளவர்களுக்கு ஒரு தீர்வாக அமையும். தக்காளி நுரையீரலின் செயல்பாட்டை ஆரோக்கியமாக வைத்துக்கொள்ளும்.
சிவப்பு முட்டைகோஸில் நார்ச்சத்து அதிகமாகக் காணப்படுகிறது. இது போன்ற நார்ச்சத்து நிறைந்த உணவுகளை எடுத்துக்கொள்பவர்களுக்கு நுரையீரல் பிரச்சினைகள் ஏற்படாது. பருப்பில் இரும்புச்சத்து மற்றும் பொட்டாசியம் போன்ற எண்ணற்ற சத்துக்கள் நிறைந்துள்ளன. எனவே, பருப்பை உணவில் சேர்த்துக்கொள்வது நுரையீரல் அபாயத்தில் இருந்து விடுபட உதவும்.
