நடிகை சங்கவி, நடிகர் விஜய்யுடன் 'ரசிகன்', 'விஷ்ணு' போன்ற பல படங்களில் இணைந்து நடித்து, ரசிகர்களால் தமிழ் சினிமாவில் லக்கி ஜோடியாக கொண்டாடப்பட்டார். தற்போது, நடிகர் விஜய் தமிழக முதல்-அமைச்சராக பொறுப்பேற்றுள்ளார்.
கர்நாடகாவைச் சேர்ந்த சங்கவி, நடிகர் அஜித்தின் 'அமராவதி' திரைப்படம் மூலம் தமிழ் சினிமாவில் அறிமுகமானார். அவர் 80க்கும் மேற்பட்ட படங்களில் நடித்துள்ளார். தமிழில் நடிகர் விஜய்யுடன் அதிக படங்களில் கதாநாயகியாக நடித்துள்ள சங்கவி, கமல், ரஜினி, சத்யராஜ், சரத்குமார் போன்ற முன்னணி நடிகர்களுடனும் நடித்துள்ளார்.
கடந்த 2016ஆம் ஆண்டு வெங்கடேஷ் என்பவரை திருமணம் செய்துகொண்ட சங்கவிக்கு ஒரு பெண் குழந்தை உள்ளது. தற்போது அவர் தொலைக்காட்சி தொடர்களிலும் நடித்து வருகிறார். இதுகுறித்து நடிகை சங்கவி கூறுகையில், 'முதல்-அமைச்சர் விஜய் நல்லது மட்டும் தான் செய்வார். அவர் பலமுறை யோசித்து செயல்படுவதால், சில சமயங்களில் கொஞ்சம் நேரம் எடுத்துக் கொள்வார். ஆனால், அவர் நிச்சயமாக நல்ல திட்டங்களை கொண்டு வருவார் என்ற நம்பிக்கை எங்களுக்கு உள்ளது. சிறியவர்கள் முதல் பெரியவர்கள் வரை அனைவராலும் விஜய் விரும்பப்படுகிறார். மக்களின் இதயங்களில் இடம்பிடித்து இந்த இடத்திற்கு அவர் வந்துள்ளார். கண்டிப்பாக அவர் மக்களுக்கு நல்லது செய்வார்' என்று தெரிவித்தார்.
