சென்னையில் விநாயகர் ஊர்வலத்தின் போது அரசு பேருந்து ஓட்டுநர் படுகொலை செய்யப்பட்ட சம்பவம் அதிர்ச்சியை ஏற்படுத்தியுள்ளது. இது போன்ற தொடர் குற்ற சம்பவங்களுக்கு தமிழக அரசு என்ன பதில் சொல்லப் போகிறது என முன்னாள் அமைச்சர் ஆர்.பி. உதயகுமார் சரமாரியாக கேள்வி எழுப்பியுள்ளார்.
மதுரை அருகே வாலிபரை காரில் கடத்திச் சென்று தண்ணீர் தொட்டியில் வீசி கொலை செய்துள்ளனர். ராமநாதபுரம் கருவேலங்காட்டில் இரண்டு பேர் பிணமாக மீட்கப்பட்டுள்ளனர். மேலும், செங்கல்பட்டு மற்றும் திண்டுக்கல் மாவட்டங்களிலும் படுகொலைகள் அரங்கேறியுள்ளன. குறிப்பாக, செங்கல்பட்டு வாலாஜாபாத்தில் மட்டும் ஒரே நாளில் மூன்று பேர் படுகொலை செய்யப்பட்டுள்ளனர்.
சமீப காலமாக தமிழகத்தில் குற்ற சம்பவங்கள் அதிகரித்துள்ளதற்கு மது, கஞ்சா உள்ளிட்ட போதை பொருட்களின் நடமாட்டமே முக்கிய காரணம் என குற்றச்சாட்டு எழுந்துள்ளது. ஒரே நாளில் 9 பேர் கொல்லப்பட்ட சம்பவம் தமிழகத்தில் பெரும் பரபரப்பை ஏற்படுத்தியுள்ளது. மக்கள் அச்சத்தில் உறைந்து போயுள்ளனர்.
முதலமைச்சர் லண்டனில் தொழில் முதலீட்டை ஈர்க்க சென்றுள்ள நிலையில், தொடர் படுகொலைகள் நடப்பது மக்களிடையே அச்சத்தை ஏற்படுத்தியுள்ளது. இந்த சூழ்நிலையில், தமிழக அரசு என்ன பதில் சொல்லப் போகிறது என ஆர்.பி. உதயகுமார் கேள்வி எழுப்பியுள்ளார்.
சட்டமன்ற கூட்டத் தொடரில் காவல்துறை மானிய கோரிக்கை மீதான விவாதத்தின் போது, குற்ற சம்பவங்கள் அதிகரிப்பதற்கு அரசு காரணம் என விமர்சிக்க முடியாது என முதல்வர் விளக்கம் அளித்திருந்தார். இருப்பினும், தற்போதைய குற்ற சம்பவங்கள் அதிகரிப்பு குறித்து மக்கள் கேள்விகளை எழுப்பி வருகின்றனர்.
தேர்தல் பிரச்சாரத்தின் போது, திமுக ஆட்சியில் சட்ட ஒழுங்கு சீர்கேடு, கொலை, கொள்ளை, பாலியல் பிரச்சனைகள் கட்டுப்படுத்தப்படவில்லை என விஜய் கடுமையாக விமர்சித்தார். 'ஸ்டாலின் சார் உங்களுக்கு ஆட்சி எதற்கு? அதிகாரம் எதற்கு? முதலமைச்சர் பதவி எதற்கு?' என்றெல்லாம் அவர் கேள்வி எழுப்பினார்.
தற்போது மக்கள் எழுப்பும் கேள்வி என்னவென்றால், உங்கள் மீது உறுதியான நம்பிக்கை வைத்து தான் கடந்த சட்டமன்ற தேர்தலில் வாக்களித்து உங்களை முதலமைச்சராக அமர்த்தினோம். ஆனால், இந்த 120 நாட்களில் தவெக ஆட்சியில் கட்டுக்கடங்காமல் நடைபெற்று வரும் குற்ற சம்பவங்கள் அதிர்ச்சியளிப்பதாக மக்கள் கூறுகின்றனர். இந்த குற்ற சம்பவங்கள் தலை கிறுகிறுக்க வைப்பதாகவும், அனைவரும் அதிர்ச்சியில் உறைந்து போயுள்ளதாகவும் தெரிவித்துள்ளனர்.
