இந்தியாவின் முன்னணி இருசக்கர வாகன தயாரிப்பு நிறுவனமான டிவிஎஸ், தனது புதிய Apache RTR 310 பைக்கை அறிமுகம் செய்துள்ளது. இந்தியாவில் இந்த பைக்குக்கு பெரும் வரவேற்பு கிடைத்துள்ளது. இந்த பைக்கின் விலை, சிறப்பம்சங்கள், மற்றும் மைலேஜ் குறித்த முழு விவரங்களை இங்கே காணலாம்.
TVS Apache RTR 310 பைக்கின் ஆரம்ப விலை ரூபாய் 2 லட்சத்து 65 ஆயிரத்து 556 ஆகும். இந்த மாடல் மொத்தம் 4 வேரியண்ட்களில் கிடைக்கிறது. அடிப்படை மாடலான 'Apache RTR 310 Arsenal Black Base without QuickShifter' ரூபாய் 2 லட்சத்து 65 ஆயிரத்து 556 விலையில் வருகிறது. 'Apache RTR 310 Arsenal Black and Fury Yellow Base' மாடல் ரூபாய் 2 லட்சத்து 85 ஆயிரத்து 109 விலையிலும், 'Apache RTR 310 Fiery Red Base' மாடல் ரூபாய் 2 லட்சத்து 90 ஆயிரத்து 353 விலையிலும், ஸ்பெஷல் எடிஷனான 'Apache RTR 310 Anniversary Special Edition' ரூபாய் 3 லட்சத்து 40 ஆயிரத்து 176 விலையிலும் விற்பனை செய்யப்படுகிறது.
இந்த புதிய Apache RTR 310 பைக்கில் 312.12 சிசி திறன் கொண்ட இன்ஜின் பொருத்தப்பட்டுள்ளது. இது 6 கியர் பாக்ஸுடன் வருகிறது. மேலும், 169 கிலோ எடை கொண்ட இந்த பைக்கில் 11 லிட்டர் கொள்ளளவு கொண்ட பெட்ரோல் டேங்க் வசதி உள்ளது. லிட்டருக்கு 30 கிலோமீட்டர் மைலேஜ் தரும் என எதிர்பார்க்கப்படுகிறது. இந்த பைக் சாம்பல், மஞ்சள், சிவப்பு என நான்கு வண்ணங்களில் கிடைக்கிறது. இதன் இன்ஜின் 28.7 என்எம் டார்க் திறனையும், 35.08 பிஎச்பி குதிரைத்திறனையும் வெளிப்படுத்தும். இந்த பைக் அதிகபட்சமாக மணிக்கு 150 கிலோமீட்டர் வேகத்தில் பயணிக்கும் திறன் கொண்டது.
மேலும், இந்த பைக்கில் அசிஸ்ட் மற்றும் ஸ்லிப்பர் கிளட்ச் வசதி, 1 கியர் கீழே மற்றும் 5 கியர் மேலே என சிறப்பான கியர் அமைப்பு கொடுக்கப்பட்டுள்ளது. ஸ்போர்ட், ட்ராக், அர்பன், ரெயின் மற்றும் சூப்பர்மோடோ என ஐந்து விதமான ரைடிங் மோடுகள் இதில் உள்ளன. 1 சிலிண்டர், லிக்யூட் கூல்ட், 4 வால்வுகள் கொண்ட இன்ஜின், சுவிட்சபள் ஏபிஎஸ் வசதி, முன்பக்கம் மற்றும் பின்பக்கம் டிஸ்க் பிரேக், 17 இன்ச் அலாய் சக்கரங்கள் மற்றும் ட்யூப்லெஸ் டயர்கள் போன்ற அம்சங்கள் இதில் இடம்பெற்றுள்ளன.
இந்த பைக்கில் 43 மி.மீட்டர் டயாமீட்டர் கொண்ட யூஎஸ்டி ஃபோர்க் சஸ்பென்ஷன் முன்பக்கத்தில் பொருத்தப்பட்டுள்ளது. மேலும், 30,000 கிலோமீட்டர் அல்லது 2 வருடங்கள் வரை வாரண்டியும் வழங்கப்படுகிறது. 5 இன்ச் டிஎஃப்டி டிஸ்ப்ளே, ப்ளூடூத் இணைப்பு, ஜிபிஎஸ் நேவிகேஷன், ஸ்பீடோமீட்டர், ஓடோமீட்டர், ட்ரிப் மீட்டர், கியர் இண்டிகேட்டர், லோ ஆயில் இண்டிகேட்டர், செல்போன் அழைப்பு அலெர்ட், யுஎஸ்பி சார்ஜிங் போர்ட் போன்ற நவீன வசதிகள் இதில் உள்ளன. டூயல் எல்இடி ப்ரொஜெக்டர் முகப்பு விளக்குகள், கடைசி பார்க்கிங் இடம் காட்டும் வசதி போன்றவையும் கூடுதல் சிறப்பம்சங்களாகும்.
