முன்னாள் முதல்வரும், திமுக தலைவருமான மு.க.ஸ்டாலினுக்கு, த.வெ.க (தமிழக வெற்றிக் கழகம்) சில கேள்விகளை எழுப்பியுள்ளது. குறிப்பாக, மிசா கைதைப் பற்றி யாருக்கும் நிரூபிக்க வேண்டிய அவசியமில்லை என்று தற்போது கூறும் ஸ்டாலின், 9 நிமிட காணொளியை ஏன் வெளியிட்டார் என்றும், பதற்றத்தில் புலம்பிவிட்டாரா என்றும் த.வெ.க தலைமை தனது எக்ஸ் தளத்தில் கேள்வி எழுப்பியுள்ளது. மேலும், detention copy காணாமல் போய்விட்டதா என்றும் விமர்சித்துள்ளது.
'முப்பெரும் விழாவா? ஒப்பாரி விழாவா?' என்ற தலைப்பில் த.வெ.க வெளியிட்டுள்ள பதிவில், பேரறிஞர் அண்ணா பற்றி ஒரு வார்த்தைகூட பேசாத மேடையில், ஸ்டாலினின் நடை, உடை, பாவனை பற்றி விரிவாகப் பேசியுள்ளார் கொளத்தூரின் முன்னாள் சட்டமன்ற உறுப்பினர். முதலமைச்சரின் ஒவ்வொரு அசைவையும் வீட்டில் அமர்ந்து நீலாம்பரி போல திரும்பத் திரும்பப் பார்த்து ரசிக்கும் ஒரு ரசிகராக அவர் செயல்படுவதாகக் குறிப்பிட்டுள்ளது.
கொத்துப் பரோட்டா போட்டதற்காக கொளத்தூர் மக்களுக்கு நன்றி தெரிவித்தவர், எதற்காக மூன்று முறை மறுமதிப்பீடு (revaluation) செய்தார் என்றும் த.வெ.க கேள்வி எழுப்பியுள்ளது. மிசா கைதைப் பற்றி யாருக்கும் நிரூபிக்க வேண்டிய அவசியம் இல்லை என்று தற்போது கூறும் ஸ்டாலின், 9 நிமிட காணொளியை ஏன் வெளியிட்டார் என்றும், பதற்றத்தில் புலம்பிவிட்டாரா என்றும் விமர்சித்துள்ளது.
மேலும், 'அன்று வெளிநாட்டு முதலீடா? வெளிநாட்டில் முதலீடா?' என்று வெற்றித் தலைவர் கேட்டபோது, வெற்று வெள்ளைத்தாளைத் தூக்கிக் காண்பித்த வரலாறு ஸ்டாலின் ஆட்சியில் தான் நடந்தது என்பதை மறந்தாரா என்றும் த.வெ.க குறிப்பிட்டுள்ளது. Image buildup-க்காக 'Walking with Harry Potter stick', 'Mini vlog with Insta kids', வெளிநாட்டுப் பயணங்களின்போது 'cycle ride', 'monovlog videos' என தினசரி விளம்பரப் படப்பிடிப்பில் ஈடுபட்டவர், நடிப்பைத் துறந்துவிட்டு மக்கள் பணியாற்ற வந்த வெற்றித் தலைவரைப் பார்த்து 'நடிக்கிறார்' என்று கூறுவது உச்சபட்ச நகைமுரண் என்றும் சுட்டிக்காட்டியுள்ளது.
'ரீல்ஸ் வெறிபிடித்த ஆளுங்கட்சி' என்று ரீல்ஸ்களாக வெளியிட்டு ஒப்பாரி வைக்கும் முன்னாள் சட்டமன்ற உறுப்பினர், மக்களின் தீர்ப்பை ஏற்றுக்கொள்ள முடியாத நிலையில் இருந்து மீண்டு வர வேண்டும் என்றும் த.வெ.க தனது பதிவில் குறிப்பிட்டுள்ளது. இந்த விமர்சனங்கள் அரசியல் வட்டாரத்தில் பரபரப்பை ஏற்படுத்தியுள்ளது.
