தமிழக சட்டசபை தேர்தலில் தனிப்பெரும்பான்மையுடன் வெற்றி பெற்ற தமிழக வெற்றிக் கழகத்தின் தலைவர் விஜய், கடந்த 10ஆம் தேதி முதலமைச்சராக பதவியேற்றார். இந்த பதவியேற்பு விழாவில் காங்கிரஸ் கட்சியின் மூத்த தலைவர் ராகுல் காந்தி கலந்துகொண்டு சிறப்பித்தார். காங்கிரஸ், இடதுசாரி கட்சிகள், விசிக, ஐ.யு.எம்.எல். உள்ளிட்ட கட்சிகளின் ஆதரவுடன் இந்த ஆட்சி அமைந்துள்ளது.
இதற்கிடையில், அண்டை மாநிலமான கேரளாவில் காங்கிரஸ் கட்சி தலைமையிலான ஐக்கிய ஜனநாயக முன்னணி (UDF) அமோக வெற்றி பெற்று ஆட்சியை கைப்பற்றியுள்ளது. அங்கு முதலமைச்சராக சத்திசன் தேர்வு செய்யப்பட்டுள்ளார். அவர் நாளை கேரள மாநில முதல்வராக பதவியேற்க உள்ளார்.
கேரள முதலமைச்சரின் பதவியேற்பு விழாவில் தமிழக முதலமைச்சர் விஜய் கலந்துகொள்வார் என்றும், இதற்காக அவருக்கு காங்கிரஸ் கட்சி சார்பில் அழைப்பு விடுக்கப்பட்டதாகவும் தகவல்கள் வெளியாகி பரபரப்பை ஏற்படுத்தின. இது தமிழக அரசியல் வட்டாரங்களில் பெரும் எதிர்பார்ப்பை உருவாக்கியது.
ஆனால், தற்போது வெளியாகியுள்ள புதிய தகவல்களின்படி, கேரள முதலமைச்சர் சத்திசன் பதவியேற்கும் விழாவில் தமிழக முதலமைச்சர் விஜய் பங்கேற்கவில்லை எனத் தெரியவந்துள்ளது. இந்த திடீர் தகவல் அரசியல் வட்டாரங்களில் சலசலப்பை ஏற்படுத்தியுள்ளது.
