சர்க்கரை நோயால் பாதிக்கப்பட்டவர்களுக்கு மட்டுமல்ல, ஆரோக்கியமாக வாழ நினைக்கும் அனைவருக்கும் சர்க்கரைக்கு மாற்றாக சில இனிப்பு மூலிகைகள் உள்ளன. இந்த மூலிகைகளை பயன்படுத்துவதன் மூலம் நீண்ட காலம் நோயின்றி ஆரோக்கியமாக வாழ முடியும். இந்த பதிவில் அத்தகைய சில அற்புதமான இனிப்பு மூலிகைகள் பற்றி விரிவாக காண்போம்.
ஸ்டீவியா எனப்படும் இனிப்பு சீனித்துளசி, இனிப்பு இலை, சர்க்கரை இலை போன்ற பல பெயர்களிலும் அழைக்கப்படுகிறது. இதில் உள்ள ஸ்டீவியோசைடு மற்றும் ரெபாடையோசைடு போன்ற வேதிப்பொருட்களே இதன் இனிப்புக்கு முக்கிய காரணம். இது குறைந்த கலோரி கொண்ட இயற்கை இனிப்பாகும். சர்க்கரை அளவு கட்டுக்குள் இருக்கவும், உடல் எடையை குறைக்கவும் ஸ்டீவியா பெரிதும் உதவுகிறது. இருப்பினும், சந்தையில் கிடைக்கும் ஸ்டீவியாவில் மற்ற இனிப்புகள் கலக்க வாய்ப்புள்ளதால், வாங்கும் போது கவனமாக இருக்க வேண்டும்.
மெலன் வகையைச் சேர்ந்த 'மாங்க் பழம்' சர்க்கரை நோயாளிகளுக்காகவே பிரத்யேகமாக பரிந்துரைக்கப்படுகிறது. ஸ்டீவியாவைப் போலவே, இதுவும் இரத்தச் சர்க்கரையை அதிகரிக்காத ஒரு இயற்கை இனிப்பு ஆகும். வெள்ளை சர்க்கரையை விட பல மடங்கு இனிப்புச் சுவை கொண்ட இந்த மாங்க் பழம், செயற்கை இனிப்புகளால் ஏற்படும் வயிற்று உப்புசம், பதட்டம், தலைவலி போன்ற பக்க விளைவுகளுக்கு ஒரு சிறந்த மாற்றாகும்.
இந்த ஆரோக்கியம் மிகுந்த மாங்க் பழத்தில் மிகக் குறைந்த அளவிலேயே கலோரிகளும் உள்ளன. இதனால், சர்க்கரை நோயாளிகளும், உடல் எடையைக் குறைக்க முயற்சிப்பவர்களும் இதைத் தைரியமாகப் பயன்படுத்தி தங்கள் ஆரோக்கியத்தை மேம்படுத்திக் கொள்ளலாம். இந்த இயற்கை இனிப்புகள் மூலம் சர்க்கரை நோயின் தாக்கத்தைக் குறைத்து, ஆரோக்கியமான வாழ்வை வாழலாம்.
