அரசு பள்ளி மாணவர்களுக்கு சாதி அடையாளத்துடன் கூடிய அடையாள அட்டை வழங்க நடவடிக்கை எடுக்கப்பட்டுள்ளதாக அமைச்சர் செங்கோட்டையன் தெரிவித்துள்ளார். கோபிசெட்டிபாளையத்தில் செய்தியாளர்களிடம் பேசிய அவர், இந்த அடையாள அட்டை முதற்கட்டமாக 10ம் மற்றும் 12ம் வகுப்பு மாணவர்களுக்கு வழங்கப்படும் என்றும், அதில் பெயர், முகவரி, சாதி, ப்ளட் க்ரூப், ஆதார் உள்ளிட்ட தரவுகள் இடம்பெறும் என்றும் கூறினார்.
முதலமைச்சர் விஜய் பொதுவாக அதிகம் பேசுவதில்லை என்றாலும், அவரது சிந்தனை நேர்மையான ஆட்சியை வழங்குவதில் உள்ளது என அமைச்சர் செங்கோட்டையன் குறிப்பிட்டார். சட்டசபையில் எதிர்க்கட்சித் தலைவர் பேசும்போது எந்தவித குறுக்கீடும் ஏற்படுத்தப்படவில்லை என்றும், வெளியே சென்று கருத்து தெரிவிப்பதைவிட சம்பந்தப்பட்டவர்கள் தங்களது கருத்துக்களை உள்ளேயே தெரிவித்திருக்கலாம் என்றும் அவர் கருத்து தெரிவித்தார்.
புரட்சித் தலைவரோடும், அம்மாவோடும் பயணித்த அனுபவங்களைப் பகிர்ந்துகொண்ட அமைச்சர், தற்போது தளபதி விஜயோடு இணைந்து த.வெ.க ஆட்சி அமைத்திருப்பதாகக் கூறினார். கோபிசெட்டிபாளையத்தில் இனி நடமாட முடியுமா என எல்லோரும் பேசிய நிலையில், தற்போது அதே மண்ணில் நலத்திட்ட உதவிகளை வழங்கிக் கொண்டிருப்பதாக அவர் தெரிவித்தார்.
இந்த புதிய அடையாள அட்டை மாணவர்களின் கல்வி மற்றும் நலன் சார்ந்த தகவல்களை ஒரே இடத்தில் கொண்டுவரும் என எதிர்பார்க்கப்படுகிறது. இது மாணவர்களின் எதிர்கால தேவைகளுக்கு உதவியாக இருக்கும் என்றும் கருதப்படுகிறது.
