சிம்பிள் எனர்ஜி அரரைவ் இ-ஸ்கூட்டர்: ஒரே சார்ஜில் 200 கி.மீ மைலேஜ்!

இந்தியாவில் மின்சார இரு சக்கர வாகனங்களின் பயன்பாடு நாளுக்கு நாள் அதிகரித்து வரும் நிலையில், ஓலா, ஏதர் போன்ற முன்னணி நிறுவனங்களுக்குப் போட்டியாக சிம்பிள் எனர்ஜி நிறுவனம் தனது புதிய இ-ஸ்கூட்டரை அறிமுகப்படுத்த உள்ளது.

சிம்பிள் எனர்ஜி நிறுவனம் இந்தியாவில் விரைவில் அறிமுகப்படுத்த உள்ள Simple Energy Arrive இ-ஸ்கூட்டர் குறித்த தகவல்கள் வெளியானது முதலே பெரும் எதிர்பார்ப்பை ஏற்படுத்தியுள்ளது. இந்த இ-ஸ்கூட்டர் இந்திய சந்தையில் செப்டம்பர் மாதம் 2 ஆம் தேதி அறிமுகப்படுத்தப்படும் என அறிவிக்கப்பட்டுள்ளது. இந்த அறிவிப்பு வாடிக்கையாளர்கள் மத்தியில் பெரும் மகிழ்ச்சியை உண்டாக்கியுள்ளது.

Simple Energy Arrive இ-ஸ்கூட்டரின் விலை சுமார் ரூ.1.84 லட்சம் என எதிர்பார்க்கப்படுகிறது. இந்த இ-ஸ்கூட்டரை ஒரு முறை முழுமையாக சார்ஜ் செய்தால், 180 கிலோமீட்டர் முதல் 200 கிலோமீட்டர் வரை பயணிக்க முடியும் என தகவல்கள் வெளியாகியுள்ளன. மேலும், இதில் எல்இடி முகப்பு விளக்குகள் மற்றும் எல்இடி டெயில் விளக்குகள் பொருத்தப்பட்டுள்ளன. இந்த இ-ஸ்கூட்டரின் சோதனை ஓட்டம் கடந்த மார்ச் மாதம் நடைபெற்றது, அதன் புகைப்படங்கள் இணையத்தில் வைரலாகின.

குடும்ப பயன்பாட்டைக் கருத்தில் கொண்டு அறிமுகமாக உள்ள இந்த Simple Energy Arrive இ-ஸ்கூட்டரில் 12 இன்ச் சக்கரங்கள் பொருத்தப்பட்டுள்ளன. பின்புறத்தில் ட்வின் ஷாக் அப்சார்பர் வசதியும், முன்பக்கத்தில் டிஸ்க் பிரேக் மற்றும் பின்புறத்தில் ட்ரம் பிரேக் வசதியும் இடம்பெற்றுள்ளன. இருப்பினும், இந்த இ-ஸ்கூட்டரில் பொருத்தப்பட்டுள்ள பேட்டரியின் திறன் (எத்தனை கிலோவாட்) குறித்த தகவல்கள் இதுவரை வெளியிடப்படவில்லை.

இந்த புதிய இ-ஸ்கூட்டர், ஏதர் ரிஸ்டா, டிவிஎஸ் ஐக்யூப் மற்றும் பஜாஜ் சேத்தக் போன்ற ஸ்கூட்டர்களுக்குப் போட்டியாக அமையும் என்று எதிர்பார்க்கப்படுகிறது. இதன் விலை ரூ.1.30 லட்சம் முதல் ரூ.1.40 லட்சம் வரை இருக்கலாம் என கணிக்கப்பட்டுள்ளது.

சிம்பிள் எனர்ஜி நிறுவனத்தின் Simple Energy One Gen 2, Simple Energy Ultra மற்றும் Simple Energy One S Gen 2 போன்ற முந்தைய இ-ஸ்கூட்டர் மாடல்களும் வாடிக்கையாளர்கள் மத்தியில் நல்ல வரவேற்பைப் பெற்றுள்ளன. அந்த வரிசையில், புதிய Simple Energy Arrive இ-ஸ்கூட்டரும் சந்தையில் தாக்கத்தை ஏற்படுத்தும் என எதிர்பார்க்கப்படுகிறது.

ஒரே சார்ஜில் 200 கிலோமீட்டர் வரை மைலேஜ் தரும் இந்த புதிய இ-ஸ்கூட்டரின் அறிமுகம், மின்சார வாகன சந்தையில் ஒரு புதிய புரட்சியை ஏற்படுத்தும் என எதிர்பார்க்கப்படுகிறது. வாடிக்கையாளர்கள் மத்தியில் பெரும் எதிர்பார்ப்பை ஏற்படுத்தியுள்ள இந்த மாடல், செப்டம்பர் 2 ஆம் தேதி அதிகாரப்பூர்வமாக அறிமுகமாக உள்ளது.

Author

Fernandez

Senior Reporter

Fernandaz – MDTV 24x7 News நிறுவனத்தின் Senior Reporter மற்றும் General News Writer ஆக பணியாற்றி வருகிறார். அரசியல், சமூக நிகழ்வுகள், மக்கள் பிரச்சினைகள் மற்றும் முக்கிய நடப்பு செய்திகளை துல்லியமாகவும் விரைவாகவும் மக்களிடம் கொண்டு சேர்ப்பதில் அனுபவம் பெற்றவர். நம்பகமான தகவல்களை தரமான செய்திகளாக வழங்கும் நோக்கத்துடன் செய்தித்துறையில் தொடர்ந்து செயல்பட்டு வருகிறார்.